Rritja e sigurisë në rrugë – Dhoma Amerikane: Monitorim digjital i mjeteve në qarkullim, ndikon dhe në uljen e emetimeve

Dhoma Amerikane e Tregtisë në bashkëpunim me Drejtorinë e Përgjithshme të Shërbimeve dhe Transportit Rrugor finalizuan projektin e Monitorimit Interaktiv Digjital, një platformë që konsiston në monitorimin e mjeteve në qarkullim, duke përdorur teknologji amerikane, përmes analizës së të dhënave dhe implementimit të kamerave të dedikuara për të fotografuar targa automjetesh në mjete lëvizëse.

Drejtori Ekzekutiv i Dhomës Amerikane, Neritan Mullaj tha se ky projekt do të ndihmojë në rritjen e sigurisë në rrugë dhe reduktimin e emetimeve të ndotësve në ajër. Ndërkaq, kreu i Drejtorisë së Përgjithsme të Shërbimeve të Transportit Rrugor, Blendi Gonxhja theksoi rëndësinë e këtyre sistemeve për institucionin që ai drejton.

Për të arritur targetet është e rëndësishme që ne të kemi sistemet tona, format e komunikimit dhe mjetetet inteligjente, në mënyrë që të shkëmbejmë informacion dhe ndihmojmë institucionet të tjerë sikurse është edhe Policia e Shtetit, në mënyrë që të rritet siguria në rrugë, siguria në përgjithësi dhe ligjshmëria.

Gjatë takimit u theksua rëndësia e përfshirjes të zgjidhjeve inteligjente në shërbimet e qytetarëve.

Ola Mitre/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.