Rritja e taksës për naftën “pasuron” Britaninë – Plani i qeverisë do të sjellë 12 mld paund në arkat e shtetit

Kristi Ceta/ SCAN

Plani i qeverisë britanike për të rritur taksën e jashtëzakonshme për prodhuesit e naftës dhe gazit në Detin e Veriut do të çojë në një rënie prej gati 12 miliardë paundësh në të ardhurat e industrisë dhe do të përshpejtojë rënien e prodhimit.

Qeveria Laburiste, e zgjedhur në korrik, ka deklaruar se ndryshimet do të ndihmojnë në rritjen e energjisë së rinovueshme për të ulur emetimet e karbonit dhe për të ndihmuar në frenimin e ngrohjes globale.

Grupi i industrisë Offshore Energies UK parashikon se ndryshimet do të zvogëlojnë të ardhurat nga taksat me 12 miliardë paundë midis 2025 dhe 2029. Investimet kapitale në sektor gjatë kësaj periudhe pritet të bien në 2.3 miliardë paundë nga rreth 14 miliardë paundë.

Ndryshimet e propozuara në taksa “do të shkaktojnë një rënie të përshpejtuar të prodhimit të brendshëm dhe një reduktim në taksat e paguara dhe vlerën ekonomike të gjeneruar,” tha shefi ekzekutiv i grupit të industrisë, David Whitehouse.

NEO Energy, një kompani e përqendruar në Detin e Veriut, tha se pasiguria fiskale dhe rregullatore do të ngadalësojë investimet. NEO zotëron gjysmën e projektit të zhvillimit Buchan Horst në Detin e Veriut të Mbretërisë së Bashkuar, me Serica Energy dhe Jersey Oil & Gas që zotërojnë përkatësisht 30% dhe 20%.

Prodhimi në rajonin e Detit të Veriut ka rënë nga një pikë kulminante prej 4.4 milion barrelash nafte ekuivalente në ditë në fillim të mijëvjeçarit, në rreth 1.3 milion sot. Autoriteti i Kalimit në Detin e Veriut ka parashikuar se do të bjerë në më pak se 200,000 barrela nafte në ditë deri në vitin 2050.

Pak pasi u zgjedh, qeveria Labour e Britanisë së Madhe tha se do të rrisë Taksën për Fitimet e Energjisë nga 35% në 38% duke filluar nga 1 nëntori, duke e çuar normën kryesore të taksës për aktivitetet e naftës dhe gazit në 78%, ndër më të lartat në botë. Afati i saj gjithashtu është zgjeruar me një vit, deri në mars 2030.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.