Nga rrjetet sociale, cloud-i dhe faqet online/ Bizneset shqiptare, gjithnjë e më të varura nga interneti
Teknologjia po shndërrohet çdo vit e më shumë në shtyllën kryesore të funksionimit të bizneseve shqiptare. Sipas të dhënave më të fundit të INSTAT për vitin 2025, ndërmarrjet me mbi 10 të punësuar që përdorin kompjuterë me akses në internet për qëllime pune arrijnë në plot 99.4%, duke shënuar një rritje të lehtë krahasuar me vitin e kaluar. Në kompanitë e mëdha, sidomos ato me mbi 250 të punësuar, ky përdorim është universal, pasi të gjitha raportojnë se kanë 100 për qind akses në internet.
Në të njëjtën kohë, rritje ka shënuar edhe numri i specialistëve në fushën e teknologjisë së informacionit. Gjatë vitit 2025, përqindja e tyre arriti në 31.8 % nga 29.7 % që ishte në vitin 2024.
Edhe sektori i shërbimeve tregon një panoramë të qartë të kësaj tendence. Aktiviteti i Informacionit dhe Komunikimit mban përqindjen më të lartë të punonjësve që përdorin kompjuter me akses në internet, me 79.7%. Pas tij renditen aktivitetet Profesionale, Shkencore dhe Teknike me 70.3 % dhe Shërbimet Administrative e Mbështetëse me 65.4%.
Nga ana tjetër, bizneset shqiptare po përqafojnë gjithnjë e më shumë mjetet digjitale për të qenë pranë klientëve të tyre. Në vitin 2025, 61 % e ndërmarrjeve deklaruan se kanë një faqe interneti, duke shënuar një rritje krahasuar me 57.7 % në vitin 2024. Ndërkohë, përdorimi i rrjeteve sociale mbetet fenomen masiv. Plot 86.5 % e ndërmarrjeve që kanë akses në internet përdorin platforma si Facebook, LinkedIn, Twitter, YouTube apo Pinterest, krahasuar me 83.1 %një vit më parë. Mesa duket rrjetet sociale janë shndërruar në një kanal komunikimi dhe marketingu të pazëvendësueshëm për bizneset.
Një tjetër element i rëndësishëm është rritja e përdorimit të shërbimeve cloud. Këto shërbime, që ofrojnë mundësi ruajtjeje të të dhënave, programe kompjuterike dhe kapacitete të tjera në internet, janë përdorur nga 33.8 % e ndërmarrjeve me akses online gjatë vitit 2025. Krahasuar me vitin 2024, kjo përbën një rritje prej 3.8 %.
Më të vizituarat
Nis ndërtimi i 223 apartamenteve të reja në Kombinat/ Koçiu: Do shpërndahen për përfituesit në kuadër të “Rindërtimit”
Ka nisur puna për ndërtimin e 223 apartamenteve të reja në Kombinat, të cilat do t’u shpërndahen familjeve përfituese në kuadër të programit të......
Shqipëria, pjesë e “Best Tourism Villages 2026”/ Gonxhja: Thesar i identitetit kombëtar
Shqipëria është bërë sërish pjesë e “Best Tourism Villages 2026”, iniciativë e Organizatës Botërore të Turizmit që vlerëson fshatrat ku trashëgimia kulturore,......
Paketa e Maleve, Rama: Zhvillim e më shumë investime/ “Nuk është për oligarkët, por për trashëgimtarët e pronave”
Kryeministri Edi Rama gjatë bashkëbisedimit me banorë dhe sipërmarrës në Theth, ku në fokus ishte prezantimi i “Paketës së Maleve”, tha se synimi i kësaj......
Në çfarë faze të prodhimit ushtarak është Shqipëria? - Ministria e Mbrojtjes: Është proces shumë kompleks. Çdo produkt kërkon licencim
Në fund të vitit pritet të bëhen dorëzimi i porosive të para të municioneve sipas kontratave që Ministria e Mbrojtjes ka me partnerët e saj. Sipas Ministrisë......
Aeroporti i Rinasit pret deri në 56 mijë pasagjerë në ditë - Shërbimet policore dhe doganore, 24 orë në funksion
Aeroporti Ndërkombëtar i Rinasit po përballet me fluksin më të lartë të udhëtarëve, si pasojë e sezonit turistik. Për menaxhimin e lëvizjeve të shtuara,......
Video
