Shqipëria fiton vendin e 3-të në barometrin global të turizmit!

Kryeministri vendit ka ndarë në rrjetet e tij sociale njoftimin e Organizatës Botërore Të Turizmit (UNWTO) sipas së cilës Shqipëria ka arritur në vendin e 3-të në barometrin global të turizmit për periudhën janar-korrik 2023, me rritje spektakolare prej 56% në ardhjet e turistëve.

“Kjo arritje nuk do të ishte e mundur pa përkushtimin dhe punën e palodhur të gjithë këtyre viteve dhe veçanërisht të profesionistëve tanë në industrinë e turizmit, së bashku kemi vendosur Shqipërinë në hartë si një destinacion që duhet vizituar dhe do ta bëjmë atë çdo vit gjithnjë e më të mirë,” shkruan UNWTO.

“Nga brigjet me diell të rivierës shqiptare deri te bukuria historike e Gjirokastrës, ne kemi diçka për të gjithë. Për udhëtarët nga e gjithë bota: ejani dhe zbuloni perlën që është Shqipëria, e pasuruar nga përpjekjet e sektorit tonë të jashtëzakonshëm të turizmit”.

E . S / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.