Si është situata në kaskadën e lumit Drin? – KESH përditëson të dhënat mbi energjinë e prodhuar në të tre HEC-et!

Korporata Energjetike Shqiptare njofton se prodhimi ditor në të tre HEC-et është 13.233 MWh, kërkesa për konsum nga FSHU është 18.889 MWh ndërsa çmimi i energjisë sot në bursë shënon 360 euro/ MWh.

Sipas njoftimit temperaturat e larta e mbi mesataren e periudhës gjatë ditëve të fundit kanë rritur ndjeshëm konsumin e energjisë elektrike në vend. Ndërkaq KESH u bën thirrje konsumatorëve fundorë të përdorin në mënyrë sa më eficiente energjinë elektrike.

Gjithashtu sipas informacionit të publikuar prurjet natyrore në kaskadë janë:

– HEC Fierzë 60 m3/s

– HEC Koman 35 m3/s

– HEC Vau i Dejës 10 m3/s

Ndërsa nivelet në liqenet e Kaskadës së Drinit janë:

• Hec Fierzë 287.19 mmnd,
• Hec Koman 173.40 mmnd,
• Hec Vau Dejës 73.72 mmnd

KESH bën me dije se Rezerva Energjetike është 1011.9 GWh.

E . S / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.