Si po avancojnë punimet në Aeroportin e Vlorës? – Tender 47.7 milionë lekë për sistemin e furnizimit me ujë

Diamila Leka/ SCAN

Punimet për të finalizuar Aeroportin  e Vlorës duket se po ecin me ritme të mira, pasi në Prokurime Publike është publikuar një tender nga Shoqëria Rajonale Ujësjellës Kanalizime Vlorë me objekt “Sistemi i furnizimit me ujë të Aeroportit të Vlorës”.

Sipas dokumenteve Standarde të Tenderit, kostoja e kontratës do të jetë me një vlerë rreth 47.7 milionë lekë.

Fundi i këtij viti është si datë për të përfunduar ndërtimi Aeroporti i Vlorës. Ndërsa më herët janë publikuar një sërë tenderash për të avancuar punimet dhe për të arritur përfundimet në afatin e përcaktuar.

Ky aeroport do të jetë një domosdoshmëri edhe për mbarëvajtjen e turizmit në jug. Operatorët turistikë kanë theksuar herë pas here që aeropirti i Vlorës pasi të vihet në funkson so e bëjë turizmin e jugut më afër me turistët e huaj me linja direkte nga shtete të ndryshme.

Më herët zëvendëskyreministrja Belinda Balluku ka deklaruar se aeroporti ndërkombëtar i Vlorës është i dizenjuar nga fillimi për të akomoduar të gjitha fluturimet transoqeanike që Shqipërisë i kanë munguar prej vitesh, por edhe për të akomoduar të gjitha flukset e ndërlidhjeve me vendet e tjera europiane, ato të Ballkanit apo kudo nëpër botë.

Ky aeroport po ndërtohet përmes një kontrate të partneritetit publik privat, që zotërohet në masën 98% nga kompania Mabco Constructions, ndërsa 2% e aksioneve mbahen nga kompania A2 Group. Kohëzgjatja e kontratës është 35 vjet.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.