Skulptura e Euros nxirret në shitje – Kostoja për mirëmbajtjen e saj është shumë e lartë: 250 mijë euro në vit

Skulptura gjigande e euros e rrethuar nga 12 yje të verdhë është nxjerrë në shitje pasi kostoja për mirëmbajtjen e saj është shumë e lartë: 250 mijë euro në vit. Për më tepër ajo vandalizohet shumë shpesh

Skulptura ikonike e euro-s që ndodhet para selisë së mëparshme të Bankës Qendrore Europiane, e që shpesh është objekt sulmesh vandale, është nxjerrë në shitje pasi kostoja për mirëmbajtjen e saj është shumë e lartë.

Statuja 14 metra e lartë u vendos për të festuar nxjerrjen në treg të monedhës euro në vitin 2001 dhe që atëherë është bërë një simbol i vendimmarrjes në Eurozonë. Por kur Banka Qendrore Europiane vendosi të zhvendosë selinë e saj në një vend tjetër në Frankfurt, Gjermani, drejtuesit e bankës qendrore vendosën të mos e merrnin me vete skulpturën me peshë 50 ton.

Vepra artistike, një shenjë gjigante e euros e rrethuar nga 12 yje të verdhë, nga artisti gjerman Ottmar Horl, është mirëmbajtur nga Komiteti i Kulturës i Frankfurtit, një organizatë jofitimprurëse, për 21 vitet e fundit. Aktualisht komitetit i kushton rreth 250 mijë euro çdo vit për të mbajtur statujën në funksion.

Manfred Pohl, i cili është përgjegjës për mirëmbajtjen e tij, fajësoi vandalizmin në rritje gjatë dy viteve të fundit dhe mungesën e sponsorizimit të korporatës për vendimin e komitetit për të nxjerrë në ankand statujën. Ai shtoi se në oërpjekje për të siguruar fonde të reja për të mirëmbajtur veprën e artit, kishin kontaktuar 110 banka gjatë 12 muajve të fundit dhe 90 prej tyre as që u munduan të përgjigjen.

Në vend që të hiqte dorë nga kontrolli i skulpturës, komiteti pagoi që ajo të riparohej në vitin 2015 për të ulur kostot e funksionimit. Ata arritën të ulin faturën vjetore të mirëmbajtjes me 12,000 € duke instaluar drita të reja LED për ta mbajtur atë të ndriçuar gjatë natës. Sipas Komitetit të Kulturës në Frankfurt, skulptura do të dalë në ankand në muajin tetor.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.