TasteAtlas Awards ‘23/’24: Këto janë 100 kuzhinat dhe pjatat më të mira në botë! Ku renditet Shqipëria?

Janë publikuar renditjet vjetore të TasteAtlas të kuzhinave, pjatave, qyteteve ushqimore, produkteve ushqimore dhe përbërësve më të mirë, si dhe listat e restoranteve dhe librave legjendar të gatimit. Janë regjistruar gjithsej 395,205 (271,819 të vlefshme) vlerësime të pjatave dhe 115,660 (80,863 të vlefshme) vlerësime të produkteve ushqimore.

Bazuar në këto vlerësime, u nxorën 50 artikujt ushqimorë më të mirë për çdo kuzhinë dhe kuzhinat më të vlerësuara në botë u renditën sipas vlerësimeve mesatare të pjatave dhe produkteve ushqimore më të vlerësuara të secilit vend. Italia dhe Japonia shënuan të njëjtin vlerësim mesatar, por Italia ka zënë vendin e parë sërish këtë vit për shkak të një vlerësimi më të lartë të pjatës së saj më të vlerësuar – picës. Kuzhina e tretë më e vlerësuar është ajo greke.

Bazuar në vlerësimet mesatare të përdoruesve për pjatat, është publikuar një listë me 100 pjatat më të mira në botë. Pjata më e vlerësuar për vitin 2023 është Picanha e prerë nga mishi brazilian, e ndjekur nga buka malajziane Roti Canai dhe skuqja tajlandeze Phat Kaphrao.

Nga 1,378 djathëra të kataloguar dhe 36,551 vlerësime të përdoruesve të regjistruar (24,296 të vlefshme), Parmigiano Reggiano është shpallur edhe këtë vit djathi më i mirë në botë. Pasohet nga dy djathëra të tjerë italianë, Mozzarella di Bufala Campana dhe Strecchino.

Përveç këtyre renditjeve, janë publikuar listat e qyteteve më të mira ushqimore, rajonet më të mira ushqimore, pjatat dhe produktet ushqimore sipas kategorive, si dhe listat e restoranteve dhe librave më legjendarë të gatimit.

Ushqimet më të vlerësuara në Shqipëri e cila u rendit e 91-ta në top 100 sipas TasteAtlas janë: Gjizë, Fërgesë Tirane, Qofte fërguara, Flija, Ballokume Elbasani dhe 23 të tjera.

Ju mund të shikoni të gjithë Çmimet këtu: www.tasteatlas.com/best/

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.