Tregjet europiane, në rënie të lehtë – Investitorët po presin projeksionet e reja të Komisionit Europian
Bursat europiane janë hapur në rënie të lehtë edhe në sesionin e sotëm, ndërsa investitorët janë të shqetësuar se rritja e interesave nga bankat qëndrore do ta çojë ekonominë globale drejt recesionit. Indeksi pan-Europian Stoxx 600 është hapur në rënie me 0.3%, ndërsa fitimet më të mëdha i realizon sektori i automjeteve dhe udhëtimeve.
Indeksi i Çmimeve Konsumatore në SHBA, që është një matës i mirë i mallrave dhe shërbimeve, u rrit në 9.1% në qershor, krahasuar me një vit më parë, kundrejt parashikimeve të analistëve për një rritje me 8.8%. Duke përjashtuar çmimet e paqëndrueshme të ushqimeve dhe energjisë, i ashtuquajturi inflacioni bazë u rrit me 5.9%, nga 5.7% që parashikonin analistët.
Edhe Wall Street u mbyll në rënie në sesionin e kaluar, për shkak se investitorët reaguan ndaj inflacionit të lartë, ndërsa investitorët ishin në pritje edhe të fitimeve tremujore të korporatave. Investitorët po presin edhe projeksionet e reja për ekonominë, që do të publikojë Komisioni Europian, më vonë gjatë ditës së sotme.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.