Tregtia online, një mjet efikas kundër informalitetit, Rezart Lahi: Importuesit në shumë raste nuk japin fatura
Informaliteti i lartë nuk ka kursyer as sektorët e shërbimit online. Edhe në këtë sektor monitorimi nuk bëhet si duhet nga institucionet përgjegjëse, ndonëse kjo realisht është më e lehtë. Të blesh një orë, bluzë apo çfarë do lloj objekti që mund ta porosisësh online, në shumicën e rasteve individi nuk pajistet me faturë. Sipërmarrësi Rezart Lahi thotë në emisionin ‘Insider’ të gazetarit Angelo Haruni, se kjo sëmundje prek edhe importuesit.
Me një përvojë në tregun e shitjeve online sipërmarrësi Valer Pinderi e sheh këtë treg si një mënyrë të mirë për të luftuar informalitetin, duke renditur edhe faktorët që e mundësojnë këtë.
Lufta kundër informalitetit është thelbësore për të siguruar që tregu në përgjithësi por edhe ai i sherbimeve online të funksionojë në përputhje me ligjin dhe standardet e duhura. Autoritetet kanë mundësinë që duke shfrytëzuar mundësitë e tregut online të jenë më efektivë në luftën kundër evazionit dhe informalitetit.
Hamit Yzeiraj/SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.