Turqia i kthen Riadit 5 miliardë dollarë – Shenjë e stabilizimit të rezervave valutore të vendit

Dorina Kurtaj / SCAN

 

Banka Qendrore e Turqisë bëri një lëvizje historike duke kthyer një depozitë prej 5 miliardë dollarësh nga Arabia Saudite. Zhvillimi është tregues i besimit që zyrtarët e saj kanë se mund të rivendosin rezervat valutore pa marrë borxhe nga aleatët e pasur.

Një përmirësim i ndjeshëm i klimës së investimeve që nga dorëzimi i ekonomisë së vendit te stafi i ri një vit më parë ka çuar në kërkesë të fortë për asetet turke dhe një stabilizim të lirës. Ky ndryshim në ndjesinë e investimeve i lejoi bankës qendrore të reduktonte detyrimet e saj valutore me një ritëm rekord.

Pas zgjedhjeve lokale të 31 marsit, investitorët vendas tërhoqën 11.5 miliardë dollarë nga llogaritë e garantuara nga qeveria që synonin të kompensonin investitorët për humbjet në valutë të huaj, ndërsa fluksi i portofolit të huaj në aksionet turke dhe borxhi i qeverisë arriti në 18 miliardë dollarë.

Banka qendrore turke vlerësohet të ketë shtuar rreth 80 miliardë dollarë rezervave të saj vetëm në tremujorin e dytë.

Bloomberg Economics vlerëson se banka qendrore shtoi rreth 80 miliardë dollarë në rezervat e saj vetëm në tremujorin e dytë. Në fillim të korrikut, rezervat neto, duke përjashtuar këmbimet me huadhënësit tregtarë, ishin rreth 15 miliardë dollarë, nga rreth 60 miliardë dollarë rezerva negative të regjistruara përpara zgjedhjeve lokale të marsit.

Një nga praktikat e ndjekura nga Turqia ishte ajo e “carry trade”, pra huamarrja në vende ku normat e interesit janë relativisht të ulëta dhe më pas konvertimi i këtyre parave në monedha që ofrojnë norma më të larta interesi, si lira turke.

Megjithatë, një zbutje e mundshme e tregtisë së mbartur ose një interes i rinovuar vendas në monedhat e huaja mund të paraqesë sfida për autoritetin monetar. Banka qendrore, e cila ka vendosur normën e saj bazë të interesit në 50%, është e angazhuar të mbajë një politikë monetare të shtrënguar për të zbutur inflacionin dhe për të mbajtur aktivet e lirës tërheqëse.

Sipas një vlerësimi, rreth 20 miliardë dollarë nga rritja e rezervave valutore mund të lidhen me flukset tregtare.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.