Votuesit grekë shqetësohen për rritjen e çmimeve para zgjedhjeve në BE!

Çmimet në rritje të mallrave janë përparësia kryesore për votuesit grekë, sipas të gjitha sondazheve përpara zgjedhjeve shumë të rëndësishme të Parlamentit Europian të këtij viti.

Norma mesatare e rritjes së Greqisë është më shumë se 2%, një nga më të lartat në Eurozonë dhe qeveria vlerësohet për politikat e saj fiskale nga të gjitha institucionet evropiane.

Megjithatë, masat e marra kundër inflacionit në kategorinë e ushqimeve duket se nuk kanë ndikim për konsumatorët.

Autoriteti i Statistikave Greke sapo ka raportuar se inflacioni në kategorinë e ushqimeve rezultoi në 5.3% në mars, nga 3.1% në shkurt.

Shifra të tilla nënkuptojnë se ndërsa masat e marra më parë nga qeveria greke janë cilësuar si pozitive, efikasiteti dhe ndikimi i tyre po vihet në pikëpyetje.

Qytetarët po shprehin gjithnjë e më shumë zhgënjimin e tyre dhe vlerësohet se kjo do të shprehet edhe në kutinë e votimit.

Njerëzit në tregjet lokale thonë se janë të zhgënjyer. Ata vlerësojnë se ka patur një rritje prej 30% në çmimet e mallrave të përditshme, ndërsa presin se çmimet e larta do të ndikojnë në performancën zgjedhore të qeverisë greke sepse nuk kanë bërë mjaftueshëm.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.