Zbulohet një nga kullat më të përdredhura në botë – E lartë 180 metra dhe me fasadë totalisht prej xhami (FOTOT)

Një nga kullat më të përdredhura në botë është zbuluar në Chongqing, Kinë. Kulla Dance Of Light, e projektuar nga firma e arkitekturës Aedas dhe e përfunduar këtë vit, është 180 metra e gjatë dhe përmban një fasadë të përdredhur që imiton formën e dritave veriore, sipas një njoftimi për shtyp.

E vendosur në Xingfu Plaza në distriktin Jiangbei të Chongqing, firma tha se ndërtesa përdor formën e thjeshtë dhe elegante të fasadave të dyfishta të lakuara për të krijuar përshtypjen se ndërtesa është duke u përdredhur.

Sipas Ken Wai, drejtor i dizajnit global të Aedas, fasada “nuk është vetëm një shprehje e pamjes, por edhe një mënyrë mbrojtjeje që skalit hapësirat e brendshme”.

Dizajnerët u frymëzuan nga aurora kërcyese, rrezet dhe spirale të dritave polare që shihen shpesh në Arktik dhe Antarktik, kështu që drita luan një rol kyç në theksimin e formës së përdredhur të strukturës. Pamja e kullës ndryshon nga kënde të ndryshme pasi drita reflektohet dhe përkulet mbi fasadat e xhamit.

“Kur bie nata, fasada e lakuar shfaq reflektime që aludojnë në figurën e kërcimit të një balerine”, tha Aedas në deklaratën për shtyp. “Çatia e podiumit shtrin një deklaratë koherente të kthesës rrëshqitëse nga lart poshtë, duke bërë jehonë me gjeometrinë e kullës dhe duke ruajtur një stil të qëndrueshëm arkitekturor.”

Ndërtesat e larta të përdredhura janë rritur në popullaritet gjatë dekadës së fundit falë përparimeve në ndërtim, inxhinieri dhe programe kompjuterike arkitekturore. Turning Torso, nga arkitekti spanjoll Santiago Calatrava dhe i ndërtuar në vitin 2005 në Malmo, Suedi, ishte rrokaqiell i parë i përdredhur që shfaqi stilin inovativ të arkitekturës.

Ndërtesa të tjera të njohura të përdredhura përfshijnë MAD Architect’s Absolute World Towers, të vendosura në Kanada dhe të përfunduara në 2012, si dhe Kulla Cayan 306 metra e lartë në Dubai, e projektuar nga Skidmore, Owings & Merrill dhe e përfunduar në 2013.

Sipas Aedas, kulla “Dance Of Light” ka një “kënd rrotullimi” deri në 8.8 gradë për kat, që studioja beson se është gati 1.5 herë më shumë se çdo kullë tjetër super e lartë. “Si një hapësirë ​​e hapur publike, kulla ka të gjitha meritat për të qenë një ikonë e qytetit, veçanërisht përdredhja e konsiderueshme e fasadës është e jashtëzakonshme,” shtoi Wai.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.