“100 euro për çdo pensionist dhe fëmijë” – Qeveria e Kosovës: Bonuset shpërndahen me rastin e festave të fundvitit

Fëmijët dhe pensionistët do të marrin nga 100 euro në formë bonusi me rastin e festave të fundvitit. Kryeministri Albin Kurti konfirmoi vendimin në mbledhjen e Qeverisë. Kreu i ekzekutivit u shpreh se premtimi sipas të cilit çdo vit secili fëmijë do të përfitojë 50, 100 apo 150 euro, në varësi të ardhurave të prindërve do të realizohet.

Kurti sqaroi se skema në fjalë do të përmirësohet në të ardhmen, duke filluar zbatimin edhe të deklarimit të të ardhurave vjetore nga të gjithë prindërit përfitues. Kjo, sipas Kurtit, do të bëhet në mënyrë që të ketë dallim në mbështetjen financare të dhënë nga shteti dhe që ata që kamë më pak të ardhura, të përfitojnë më shumë.

Nga ana tjetër të gjithë pensioistët këtë fundvit, me qëllim të lehtësimit të kostos së jetesës për këtë kategori të cënueshme, do të marrin gjithashtu një bonus prej 100 eurosh, përveç pensionit të rregullt mujor që marrin.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.