15 USD në ditë për të lëvizur me makinë në qendër – Objektivi, mbledhja e 1 miliard dollarëve në vit për rrjetin e transportit në New York

Në New York, të lëvizësh me makinë në qendër të Manhatan mund të kushtojë 15 dollarë në ditë. Është ky propozimi i planit të qytetit që tashmë është dorëzuar në tryezën e Autoritetit të Transportit të Metropolitanës, përgjegjës për transportin publik në shtetin amerikan.

Projekti do lejojë grumbullimin e 1 miliard dollarëve në vit për të financuar përmirësimin e rrjetit të transporteve. Edhe taksitë e verdha duhet të paguajnë këtë shumë, si dhe një kosto shtesë; ndërsa kamionët mund të paguajnë nga 24 deri në 36 dollarë në varësi të përmasave.

Projekti është i ngjashëm me atë të Londrës, prej vitesh në fuqi. Por nga ky rregull përjashtohen autobusët që shërbejnë brenda unazës së qytetit, ndërsa autobusët e tjerë paguajnë gjithashtu deri në 36 dollarë. Motorët do të paguajnë deri në 8 dollarë në ditë. Qëllimi kryesor është reduktimi i trafikut dhe inkurajimi për përdorimin e transportit publik apo mënyrave të tjera alternative të transportit.

New York së fundmi është shpallur si shteti me situatën më të keqe të trafikut në të gjithë territorin amerikan.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.