2023, Serbia parashikon rritje ekonomike 3,5% – Në dy vitet e pandemisë ekonomia u zgjerua me 6,4%

Qeveria serbe ka miratuar një strategji fiskale të vitit 2023, duke përfshirë projeksionet për vitet 2024 dhe 2025, sipas të cilave Serbia do të ketë rritje ekonomike prej 3.5 për qind këtë vit pavarësisht krizës ekonomike globale, që do të thotë se nuk do të ketë recession. Strategjia thekson se Serbia e ka përballuar mirë krizën shëndetësore dhe ekonomike të shkaktuar nga pandemia dhe se rritja kumulative e Prodhimit të Brendshëm Bruto prej 6.4 për qind është regjistruar në dy vitet e pandemisë, e cila është një nga performancat më të mira në Europë.

Tre paketa stimuluese të qeverisë kanë ndihmuar likuiditetin dhe lehtësuan operacionet e biznesit, ndërsa ndihma financiare për qytetarët ka inkurajuar kërkesën e brendshme, që nga ana tjetër, ka prodhuar një ndikim indirekt në aktivitetin ekonomik. Sipas qeverisë serbe, rritja e aktivitetit ekonomik dhe paketat stimuluese kishin rezultuar në tendenca të qëndrueshme të tregut të punës.

Në të njëjtën kohë, bilanci i brendshëm dhe i jashtëm mbetën të paprekur dhe fluksi i Investimeve të Huaja Direkte ishte i qëndrueshëm, duke siguruar më shumë se mbulim të plotë të deficitit të llogarisë korente.

Një shtrirje në rritje e politikës fiskale nuk ka rrezikuar qëndrueshmërinë e financave publike, ndërsa mbledhja e përmirësuar e të ardhurave, në veçanti taksat, ka ndihmuar në ruajtjen e stabilitetit fiskal për shkak të rritjes ekonomike më të shpejtë se sa pritej.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.