6.300 euro punonjësve që të lindin fëmijë! – Kompanitë private në Kinë promovojnë familjet me shumë fëmijë

Agjencia kineze online e udhëtimeve “Trip.com” deklaroi se do të paguajë punonjësit e saj me më shumë se 6300 euro për cdo fëmijë që do të kenë duke filluar nga data 1 korrik. Bëhet fjalë për iniciativën e parë të këtij lloji nga ana e një sipërmarjeje private në Kinë në një moment që vendi po përballet me plakjen e popullsisë.

Shoqëria, një nga agjencitë online më të mëdha të udhëtimit në botë, me 400 milionë klientë, deklaroi se do të paguajë shumën, cdo vit për një periudhë pesë vjecare, për cdo fëmijë të punonjësve të saj, jo vetëm në Kinë por në  të gjithë botë. Programi do i kushtojë shoqërisë 1 miliard yuan.

Presidenti ekzekutiv i shoqërisë u shpreh se gjithnjë ka sugjeruar që qeveria të ndihmojë financiarisht familjet me fëmijë, në mënyrë të vecantë ata që kanë shumë fëmijë. Por sidomos të ndihmohen të rinjtë të cilët duan të kenë fëmijë. Sipas tij kompanitë mund të kenë rolin e tyre, brenda kapaciteteve, për të ndërtuar një atmosferë të favorshme për pjellorinë.

Në linjë me politikën e fëmijës së vetëm që zgjati nga viti 1980 në 2015 – ën. Demogtafët paralajmëruan se Kina do të plakej para se të pasurohej, pasi forca e punës reduktohet dhe qeveritë vendore, shumë shpesh në borxhe, shpenzojnë më shumë për popullsinë e moshuar. Niveli i lindshmërisë në vend, një vit më parë zbriti në 6.77 lindje për 1 mijë persona, nga 7.52 lindke në 2021 – shin. Ky ishte dhe niveli më i ulët i regjistruar ndonjëherë.

Autoritetet kineze në vitin 2021 vendosën se ciftet mund të kishin deri në tre fëmijë, por gjatë pandemisë së Covid, ciftet kishin frikë të bënin fëmijë. Të rinjtë rendisin arsyet dekurajuese si kosto e lartë për rritjen e një fëmije dhe arsimimin, pagat e ulëta, një rrjet i dobët i sigurisë sociale dhe pabarazia gjinore. Ekspertët në vend theksojnë se popullsia ndikon bindshëm në ekonomi dhe inovacion, duke sugjeruar që 2% i PBB – së kineze të destinohet për promovimin e sa më shumë lindjeve.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.