76 operatorë ekonomikë u ankuan për tenderët në mars – KPP arkëton mbi 17.7 milionë lekë. Arkëton 1.3 milionë lekë në Buxhetin e Shtetit

Për Prokurimet Publike janë adresuar 76 ankesa për muajin mars të këtij viti. Referuar buletinit Mujor të Komisionit të Prokurimeve Publike, ankesat përsa i përket fazës së procesit për të cilën është paraqitur ankimi janë 37 për Dokumentet Standarde të Tenderit, 38 për Vlerësim ofertash si dhe 1 e kategorizuar tjetër. Përsa i përket ankesave sipas llojit të kontratës ato ndahen në 6 për Punë Publike, 46 për Mall si dhe 24 për Shërbime.

Shtrirja gjeografike e ankesave kryeson në qarkun e Tiranës, Durrësit dhe Elbasanit me 41, 12 dhe10 ankesa përkatësisht. Qarqet e tjera kanë një tendencë më pak përsa i përket ankesave, ku qarku i Shkodrës ka adresuar 3 ankesa ndaj Prokurimeve Publike, ndërsa qarqet si Berati, Gjirokastra dhe Korça nga 2 secili qark. Dhe vetëm nga nëj ankesë secili qark ka Dibra, Kuksi, Lezha, dhe Vlora.

Por si është paraqitur situata në seksionin e ankesave të shqyrtuara dhe vendimarrjeve?

Sipas Buletinit, në 45 vendime të Komsionit të Prokurimit Publik janë shqyrtuar dhe zgjidhur 58 ankesa të paraqitura nga operatorët ekonomikë. Në vendimarrje ankesat rezultojnë 33 të pranuara, 17 në mos pranim si dhe 8 në mbyllje çështjesh.

Ndërsa referuar të dhënave financiare për muajin mars janë arkëtuar mbi 17.7 milionë lekë tarifa financiare si garanci për procedura prokurimi.

Ndërkohë tarifa financiare të kthyera ndaj operatorëve ekonomikë në përfundim të shqyrtimit të procedurave të prokurimit janë mbi 2.8 milionë lekë.

Përsa i përket tarifave financiare të cilat janë për t’u derdhur në buxhet të shtetit në përfudim të shqyrtimit të procedurave të prokurimit janë 1.3 milionë lekë.

Diamila Leka/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.