267.9 milionë lekë për përmirësimin e Regjistrit Noterial – Qëllimi i kontratës, ndryshime në infrastrukturë teknike si dhe në mirëmbajtje

Në Agjencinë e Prokurime Publike është publikuar tenderi me vlerë 267.9 milionë lekë me objekt kontrate “Përmirësimi i Sistemit të Regjistrit Elektronik Noterial”. Vlera e implementimit është përcaktuar 194.8 milionë lekë ndërsa vlera e mirëmbajtjes rreth 73 milionë lekë.

Por cili është qëllimi i këtij tenderi?

Referuar dokumenteve bashkëngjitur tenderit, qëllimi i zhvillimit të kësaj kontrate është përmirësimi i sistemit të regjistrit elektronik notarial dhe infrastrukturës hostuese, duke e përshatatur me ndryshimet ligjore e teknologjike të kohës.

Nga ana tjetër përmirësimi i sistemit të Regjistrit Noterial Shqiptar ka për qëllim shtimin e funksionaliteteve të reja duke moduluar ndërhyrjen teknike si dhe fleksibilitetin e mirëmbajtjes.

Ndërkohë me anë të përmirësimit të Regjistrit Noterial Shqiptar dhe infrastrukturës fizike do të përfitohen siguri dhe integritet më të lartë të sistemit si dhe përshtatje me proceset e punës dhe legjislacionit në fuqi.

Gjithashtu rezultat që duhet të arrihet nga ky investim është dhe implementimi i shërbimeve elektronike të dedikuara për noterët nëpërmjet portalit qeveritar e-Albania për nderveprimin e aktivitetet e detyrave të tyre lidhur me Regjistrin Notetial Shqiptar.

Ndërkohë pjesë e përmirësimit të Regjistrit Noterial Shqiptar është dhe ngritja e një infrastrukture fizike të dedikuar, me siguri, integritet dhe disponueshmëri të lartë. Kohëzgjatja e kontratës ose afati kohor për ekzekutimin është 9 muaj implementim dhe 24 muaj mirëmbajtje nga nënshkrimi i kontratës.

Diamila Leka/ SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.