Mali i Zi: Suficiti buxhetor arrin në 33.1 milion euro – Në 5 muajt e parë vendi tejkalon parashikimet

Në pesë muajt e parë të këtij viti, duke marrë parasysh realizimin e të ardhurave dhe shpenzimeve, Mali i Zi ka arritur një suficit buxhetor prej 33.1 milionë euro ose 0.5 % të prodhimit të brendshëm bruto, sipas të dhënave të Ministrisë së Financave të Malit të Zi.

Sipas raportimeve, ky rezultat është më i mirë se sa ishte planifikuar fillimisht, pasi Ministria e Financave e Malit të Zi priste që Podgorica të shënonte një deficit buxhetor prej 141 deri në 174.2 milion euro nga janari deri në maj.

Të ardhurat buxhetore të Malit të Zi për pesë muajt e parë të vitit 2024 arritën në 1.09 miliard euro ose 15.5 % të PBB-së së vlerësuar, që është 105.4 milionë euro ose 10.7% më shumë se në të njëjtën periudhë të vitit të kaluar.

Shpenzimet buxhetore të Malit të Zi për periudhën janar-maj arritën në 1.06 miliard euro ose 15 % të PBB-së së vlerësuar, që është 183.3 milionë euro më shumë ose 20.7% më shumë se në të njëjtën periudhë të vitit 2023.

Shpenzimet për pagesën e pensioneve dhe sigurimeve shëndetësore u rritën më së shumti nga viti në vit, kryesisht për shkak të rritjes së pensionit minimal, si dhe emetimit për paga bruto dhe institucionet publike shëndetësore.

Dorina Kurtaj / SCAN

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.