512 operatorë ekonomik ankohen për tenderët – Në 6 muaj u arkëtuan 1.3 milionë lekë në buxhetin e shtetit

Diamila Leka/ Scan

 

Në Komisionin e Prokurimit Publik, për muajin qershor të këtij viti u regjistruan 124 ankesa nga operatorët ekonomikë në total. Dukke llogaritur 6 mujorin e parë të këtij viti, gjithsej janë depozituar 512 ankesa për tenderat.

Por, për çfarë janë adresuar më shumë ankesat?

Sipas Buletinit të muajit qershor, sipas fazës së procesit në të cilën është paraqitur ankimi, 54 ankesa janë për Dokumentet Standarde të Tenderit, ndërsa 70 për vlerësim ofertash. Por, sipas llojit të kontratës, 10 ankesa janë për punë publike, 35 për shërbime si dhe 79 të tilla për mall.

Por, edhe muajin qershor kryeqyteti kryeson për numrin e lartë të ankesave, duke regjistruar 74 të tilla. Më pas qarku i Vlorës me 10 ankesa, dhe qarku i Durrësit me 8. Ndërsa qarqet, Elbasan, Lezhë dhe Shkodër kanë regjistruar nga 7 ankesa përkatësisht. Ai i Korëçës dhe Fierit nga tret ë tilla, ndërsa vetëm dy ankesa ka regjistruar qarku i Beratit. Për qarkun Dibër, Gjirokastër dhe Kukës janë regjistruar nga një ankesë përkatësisht.

Për t’u ndalur në tarifat financiare të arkëtuara si garanci për procedura prokurimi janë arkëtuar 7.9 milionë lekë, ndërsa rreth 7.3 milionë lekë janë tarifa financiare të kthyera për operatorët ekonomikë në përfundim të shqyrtimit të procedurave të prokurimit.

Rreth 1.3 milionë lekë janë tarifa financiare për t’u derdhur në buxhetin e shtetit në përfundim të shqyrtimeve të procedurave të prokurimit.

 

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.