Kosovë, nga tetori pensionet rriten me 20%/Ministri Murati: 100 milionë euro shtesë për 304 mijë përfitues

Qeveria e Kosovës ka vendosur rritjen e pensioneve me 20 për qind duke nisur nga 1 tetori. Ministri i Financave, Hekuran Murati në konferencë për media së bashku mw kryeministrin Albin Kurti, kanë bërë të ditur këtë lajm.

“Është një lajm mjaft i mirë për të gjithë pensionmarrësit, sepse për të gjithë rritja do të jetë prej 20%, pra ato pensione që rregullohen sipas skemave dhe ligjit për pensionet e financuara nga shteti rritja do të filloj të zbatohet nga ky muaj”, tha Murati.

Ai shtoi se e ndryshimet e nevojshme edhe të shtojcës së ligjit përkatës për kategoritë e luftës, do të filloj rritja edhe për ato kategori të pensioneve nga janari i vitit që vjen.

“Ky ndryshim prek 304 mijë e 016 përfitues, ndërkaq impakti i tërësishëm buxhetor parashihet të jetë në shumën prej 100 milionë euro shtesë që do të alokohen për këtë rritje të pensioneve”, tha Murati.

Ministri i Financave tha se kjo rritje po bëhet falë politikave të mirëmenduara dhe rritjes së të ardhurave në buxhet.

“Falë pjekurisë dhe maturisë që kemi treguar sa i përket politikave fiskale kemi arrit ti bindim FMN që ky është veprimi i duhur që të shkojmë me një kapërcim prej 20%”, tha Murati.

Pra rritjen prej 20% nga ky muaj do ta përfitojnë të gjithë ata që janë pensionmarrës të: pensionit bazik të moshës, kontibutpagues i plotë dhe parcial, për aftësi të kufizuara për fëmijë dhe për të rritur, invalidor i punës dhe pensioni i parakohshëm për punëtorët e Trepçës.

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.