A po i mbaron botës litiumi? – Ndërkohë që kërkesa rritet, fundi i furnizimit pritet në 2025

Bota mund të përballet me një mungesë litiumi në një kohë që kërkesa për metal rritet, me disa analistë që parashikojnë se kjo mund të ndodhë që në vitin 2025. Të tjerë parashikojnë se mungesa mund të zgjatet. BMI, një njësi kërkimore e ‘Fitch Solutions’, ishte ndër ato që parashikonin një deficit të furnizimit me litium deri në vitin 2025. Në një raport të fundit, BMI ia atribuoi deficitin kryesisht kërkesës së Kinës për litium, e cila është më e madhe se oferta e saj. Sipas raportit pritet një një rritje mesatare vjetore prej 20.4% e kërkesës së Kinës për litium vetëm për automjetet elektrike gjatë 2023-2032.

Në të kundërt, furnizimi me litium i Kinës do të rritet me vetëm 6% gjatë të njëjtës periudhë, tha BMI, duke shtuar se kjo normë nuk mund të përmbushte as një të tretën e kërkesës së parashikuar.

Kina është prodhuesi i tretë më i madh në botë i litiumit, i cili është një element integral i baterive për automjetet elektrike. Në vitin 2021, bota prodhoi 540 mijë tonë metrikë litium, dhe deri në vitin 2030, Forumi Ekonomik Botëror parashikon që kërkesa globale të arrijë mbi 3 milionë tonë metrikë. Sipas parashikimeve të S&P Global Commodity Insights, shitjet e automjeteve elektrike duhet të arrijnë në 13.8 milionë në vitin 2023, por më pas do të rriten në më shumë se 30 milionë deri në vitin 2030.

Analistët në thelb, besojnë në mungesën e një industrie të litiumit. Ata presin që oferta të rritet, por kërkesa do të rritet me një ritëm shumë më të shpejtë. Deri në fund të vitit 2025, ata shohin një ‘deficit modest’ prej rreth 40 mijë deri në 60 mijë ton ekuivalent karbonat litium, por parashikon një deficit më të gjerë prej 768 mijë ton deri në fund të vitit 2030.

Analistë të tjerë nuk mendojnë se deficiti do të vijë kaq shpejt, por ende parashikojnë një mungesë deri në fund të dekadës. Sipas kompanisë së kërkimit të energjisë, qindra projekte të litiumit janë aktualisht në fazën e eksplorimit, por kompleksiteti në gjeologji dhe një proces i gjatë i lejeve mbeten sfida.

Sipas të dhënave të Refinitiv, aktualisht ka vetëm 101 miniera litiumi në botë. Furnizimi total i minierave së litiumit do të rritet me 30% dhe 40% nga viti në vit në 2023 dhe 2024 dhe se minatorët do të vazhdojnë të zhvillojnë projekte ekzistuese dhe të gjelbërta mes një përpjekjeje globale për të elektrizuar transportin. Ndërsa kjo mund të tregojë për një tepricë globale të litiumit vitin e ardhshëm, mungesat mund të fillojnë të dëmtojnë zinxhirët e furnizimit në vitin 2028.

Në vitet e ardhshme, megjithëse furnizimi me litium mund të mbetet i mjaftueshëm globalisht, një çekuilibër i furnizimit rajonal mbetet ende i pashmangshëm. Gjithashtu kapaciteti rajonal i minierave dhe përpunimit në SHBA dhe Europë mund të mos jetë në gjendje të vazhdojë me kërkesën për litium për bateritë e automjeteve elektrike. Zinxhiri global i furnizimit të baterive mund të gjejë përsëri mungesa të litiumit duke iu afruar fundit të kësaj dekade kur rritja e ofertës mund të mos ecë me rritjen e kërkesës. Në këtë skenar, çmimet e litiumit mund të rriten në nivelet më të larta të të gjitha kohërave në vitin 2022, gjë që do të rriste kostot e prodhimit të baterive.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.