Agjencia e Trajtimit të Pronave rivlerëson 4 mijë vendime – Raporti, në Kuvend: Asnjë kompensim nën nivelin 10% të vlerës reale të tokës

Agjencia e Trajtimit të Pronave bën me dije se ka rishikuar mbi 4 mijë vendime kompensimi të pronarëve, të cilat kanë rritur ndjeshëm faturën që duhet të paguajë shteti për këtë qëllim. Sipas raportit të veprimtarisë të sapodepozituar në Kuvend, Agjencia shpjegon se shkak është bërë miratimi I ndryshimeve në ligjin e pronës të miratuar nga Kuvendi në fund të vitit të shkuar, sipas të cilave asnjë dosje prone nuk mund të kompensohet nën 10% të vkerës reale të tregut. Ndryshimet u diktuan nga një vendim I vitit 2021 të Gjyaktës Kuhstetuese, e cila pezulloi Ligjin e pronave të vitit 2015 në mënyrë që ai të përcaktohen këtë dysheme kompensimi.

ATP bën me dije se gjatë periudhës së hartimit të ndryshimeve të ligjit, Sektori i saj i Kompensimit vijoi punën në zbatim të pikës 16/4 të VKM nr. 223/2016 e ndryshuar me VKM nr. 1114/2020, e cila u miratua si rekomandim i Gjykatës Europiane për të Drejtat e Njeriut në çështjen Beshiri kundër Shqipërisë, duke kryer përllogaritjen e vendimeve që kanë njohur të drejtën e Kompensimit, bazuar me vlerësimin financiar me 10% të zërit kadastral aktual. Sipas një analize paraprake të Agjencisë së Trajtimit të Pronave, rezulton që preken rreth 4672 vendime dhe  do të përfitojnë një vlerë financiare afërsisht 18,5 miliardë lekë, apo afërsisht 180 milionë dollarë.

Fatura për kompensimin financiar të pronarëve është llogaritur nga Qeveria në rreth 1 miliardë dollarë, shifër që nuk pranohet nga shoqtatat e pronarëve, sipas të cilëve vlera reale është të paktën 4 herë më e madhe.

Në raport ATP bën gjithashtu me dije se për vitin 2022 ka bllokuar tërësisht procesin e kompensimit të pronarëve për shkak të pezullimit të ligjit. Ndërkohë që procesi nuk ka nisur edhe këtë vit, edhe pas miratimit nga Kuvendi të ndryshimeve ligjore në fund të vitit 2022. Vetë ATP bën me dije se pengesë janë miratimi I akteve nënligjore.

Lorenc Rabeta/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.