Amazon pushon nga puna 9 mijë persona – Kompania teknologjike paralajmëron recesionin
Amazon konfirmoi shkurtimin e 9 mijë vendeve të punës, duke e bërë atë kompaninë më të fundit teknologjike që ndërmerr një raund të dytë largimesh nga puna dhe paralajmëruar një recesion të mundshëm.
Gjigantë të shumtë të teknologjisë, përfshirë Microsoft, Salesforce, Alphabet dhe Meta Platforms, kanë shkurtuar mijëra vende pune në muajt e fundit pasi punësimet e reja në kohën e pandemisë krijuan një ambjent me staf të tepërt. Amazon ndjek Meta e Facebook-ut, duke u bërë e dyta kompani e njohur që aktivizon një raund të dytë shkurtimesh.
Administratori i Përgjithshëm, tha se kompania kishte shtuar një numër të konsiderueshëm të stafit në vitet e fundit, por ekonomia e pasigurt e detyron atë të zgjedhë shkurtimet e kostove dhe numrit të punonjësve. Shkurtimet do të përqendrohen në shërbimet e saj cloud, reklamat dhe njësitë Twitch.
Amazon muajin e kaluar tha se fitimi operativ mund të vazhdojë të bjerë në tremujorin aktual, i goditur nga ndikimi financiar i konsumatorëve dhe klientëve të cloud që reduktojnë shpenzimet. Shitjet nga divizioni i saj fitimprurës i kompjuterave cloud u ngadalësuan gjatë tremujorit të katërt.
Amazon ka reduktuar ose mbyllur shërbime të tëra si ofertën e saj virtuale e kujdesit parësor për punëdhënësit. Aksionet e Amazon ranë 1.4% në tregtimin e mëngjesit në Nasdaq. Meta Platforms mëmë i Facebook tha se do të shkurtojë 10 mijë vende pune këtë vit, pas pushimit të parë masiv në vjeshtë, i cili reduktoi më shumë se 11 mijë vende pune.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.