ARRSH jep njoftimin e rëndësishëm – Rruga e Rinasit do të kthehet me dy sense lëvizjeje
Nëpërmjet një njoftimi të publikuar në faqen zyrtare Autoriteti Rrugor Shqiptar ka bërë me dije se Rruga e Rinasit do të kthehet në gjendjen e mëparshme, qarkullimi do të vijojë me dy sense lëvizjeje deri në një zgjidhje përfundimtare me qëllim lehtësimin e trafikut në segmentin Qafë Kashar-Rrethrrotullimi i Rinasit-Ahmetaq.
“Apel ynë për të gjithë drejtuesit e mjeteve që vijnë nga veriu të përdorin akset alternative për të mos rënduar trafikun në rrugën që të çon drejt aeroportit të Rinasit. Udhëtarë/turistët që marrin fluturimet të marrin në konsideratë fluksin e lartë të mjeteve në këtë aks duke përllogaritur orarin e nisjes”, ka shkruar ARRSH.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.