Australia ndalon cigaret elektronike – Shkak, përdorimi masiv tek të rinjtë

Australia do të ndalojë importin e cigareve elektronike duke filluar nga muaji janar i vitit të ardhshëm. Deklarata u bë nga ministri i Shëndetësisë, i cili tha se ky është hapi i parë në një goditje që synon të frenojë popullaritetin në rritje tek të rinjtë i këtyre pajisjeve të mbushura me nikotinë.

Ndalimi do të zgjerohet në mars për të përfshirë të gjitha cigaret elektronike jo-terapeutike, duke përfshirë pajisjet që rimbushen, ndërsa importuesit e atyre që përdoren për qëllime mjekësore do të kenë nevojë për leje nga Zyra e Kontrollit të Barnave.

Sipas ministrit, këto cigare elektronike iu shiten qëllimisht fëmijëve. Sipas tij kjo nuk është një e mirë terapeutike për të ndihmuar duhanpirësit të heqin dorë nga zakoni. Por kjo synon qëllimisht fëmijët për t’i rekrutuar ata në varësinë ndaj nikotinës dhe më pas në pirjen e duhanit. Njëkohësisht është shkaku më i madh i parandalueshëm i vdekjes në Australi.

Paketa legjislative do të përfshijë gjithashtu një fond shtesë prej 75 milionë dollarësh australianë për Forcën Kufitare Australiane dhe Administratën e Mallrave Terapeutike për të zbatuar rregullat e reja.

Pavarësisht një prej normave më të ulëta të pirjes së duhanit në OECD, një grup vendesh kryesisht të pasura, pirja e duhanit në Australi po rritet me shpejtësi, veçanërisht në mesin e të rinjve. Sipas të dhënave të qeverisë, rreth një në pesë njerëz të moshës 18 deri në 24 vjecare është duhanpirës.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.