Automjetet elektrike të policisë, në vështirësi – Dritat dhe sirenat e alarmit konsumojnë shumë shpejt baterinë

Në Mbretërinë e Bashkuar dhe forcat e policisë po zgjedhin automjetet elektrike: një vendim i mirë për ambjentin, por jo dhe aq i mirë për të luftuar kriminalitetin apo për t’iu përgjigjur situatave urgjente. Automjetet elektrike kanë lënë shumë shpesh në këmbë agjentët e policisë, për shkak të konsumit të madh që i bëjnë baterisë dritat blu dhe sirenat. Por dhe për shkak të infrastrukturave të pakta për karikimin e tyre.

Mediat britanike raportojnë se agjentët të cilët drejtojnë automjete elektrike janë ankuar sepse nuk gjejnë dot pika furnizimi në zonë duke e gjetur veten shumë shpesh të bllokuar në raste urgjente në të cilat duhet të ndizen dritat dhe sirenat të cilat nga ana tjetër konsumojnë baterinë në një kohë rekord.

Janë të shumta rajonet në vend që kanë pezulluar zëvendësimin e automjeteve me motor me djegie të brendshme me ato elektrike. Gjithashtu janë anuluar dhe blerjet e tyre. Nëse një agjent policie është në automjetin e tij elektrik në vendndodhjen e një aksidenti rrugor: ai do të ketë dritat dhe sirenat ndezur, radion ndezur, ngrohjen apo ftohjen e automjetit duke rrezikuar të mbesë në gjysëm të rrugës dhe pa asnjë mundësi furnizimi.

Drejtuesit e rajoneve shprehen se për momentin prioritet është lufta ndaj kriminalitetit dhe për këtë arsye automjetete elektrike duhet të presin.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.