“Bankat shqiptare, cilësi më të mirë kredie se rajoni” – BEI: I vetmi vend ku parashikohet rënie e huave me probleme dhe rritje e ofertës

Një sondazh i Bankës Evropiane të Investimeve nxjerr në pah se bankat shqiptare kanë siguruar më pak fitime se rajoni gjatë gjysmës së parë të këtij viti, por kanë cilësi më të mirë kredie, ndërkohë që janë të vetmet që presin përmirësim të ofertës për kredi për pjesën e dytë të vitit.

Sondazhi i Bankës Evropiane të Investimeve është shtrirë në 11 shtete: Shqipëri, Bosnjë, Bullgari, Kroaci, Çeki, Hungari, Kosovë, Maqedoninë e Veriut, Poloni, Serbi dhe Sllovaki. Ai kunkludon se ka pasur shtrëngim të kushteve të kreditimit në të gjitha vendet, por dizniveli i fortë mes ofertës dhe kërkesës për kredi i vërejtur gjatë gjysmës së parë të këtij viti pritet të zbutet në vijim.

Shqipëria pozicionohet në sondazh mes vendeve që kanë shënuar rënie të fitimeve, bashkë me Kroacinë, Hungarinë, Poloninë dhe Hungarinë. Por mbetet vendi i vetëm që parashikon rritje të ofertës për kredi, dhe cc’është më e rëndësishmja, është i vetmi vend ku parashikohet në vijim rënie e huave me probleme, ndërkohë që të gjithë vendet e tjerë presin rritje.

Ndërsa i referohet specifikisht vendit tonë, sondazhi konkludon se për gjysmën e parë të vitit 2023 konkludon se kërkesa për kredi në Shqipëri ka shënuar stanjacion, ndërkohë që kushtet e miratimit të kredive nga ana e bankave tregtare në vend janë shtrënguar edhe më tej.

Sondazhi parashikon përmirësim të kërkesës për kredi gjatë fazës së dytë të vitit, gjë që nuk do të shoqërohet me lehtësimin e kredidhënies nga ana e Bankave. Megjitahtë, cilësia e kredisë pritet të vijë në përmirësim pas gjysmës së parë të vitit.

Në rastin e Shqipërisë, të gjitha bankat e huaja që operojnë në vend kanë raportuar rënie apo nivel të pandryshuar fitimesh nga operacionet në Shqipëri krahasuar me operacionet e grupeve në total, në përkeqësim me sondazhet e mëparëshme.

Kërkesa për kredi ka shënuar stanjacion, në të njëjtin nivel me mesataren rajonale. Më shumë segmente të kreditimit kanë shënuar përmirësim, por huatë afatgjata kanë ardhur në rënie. Kërkesë më e fortë për kredi pritet të vërehet gjatë gjashtë muajve të dytë të vitit, në nivel më të lartë se mesatarja e rajonit.

Po ashtu kushtet e miratimit të kredive vijuan të shtrëngohen gjatë gjysmës së parë të vitit, në nivel të përafërt me trendet rajonale, të përforcuara edhe nga ndërhyrjet për normalizimin e politikës monetare. Ndërkohë, bankat e huaja në Shqipëri kanë sonjalizuar se kushtet e kredidhënies priten të shtrëngohen edhe më tëj për gjashtë muajt e dytë të vitit, veccanërisht sektorit të koropratave.

Aksesi në financa, i cili më herët kishte shënuar trende mjaft pozitive në të shkuarën, është përkeqësuar në Shqipëri gjatë gjashtë muajve të parë të këtij viti, por pritet në përmirësim në gjysmën e dytë. Ndërkaq, huatë me probleme kanë mbetur të pandryshara në segmentin e korporatave dhe kredive me pakicë dhe priten në përmirësim në gjashtë muajt e dytë të vitit, duke qëndruar mbi mesataret e rajonit.

Lorenc Rabeta/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.