Bizneset, më të interesuar për tregjet e huaja – 63% e aplikantëve në shqipëri kërkojnë mbrojtje të markës ndërkombëtarisht
Bizneset në Shqipëri duket se janë më të interesuara për të shtrirë aktivitetin e tyre edhe jashtë kufijve. Nga të dhënat nga Drejtoria e Pronësisë Industriale rezulton se më shumë biznese kanë përzgjedhur regjistrimin e markës edhe në tregjet e huaja sesa brenda vendit.
Të dhënat për 2022 tregojnë se aplikimet ndërkombëtare zënë 63% kurse aplikimet kombëtare zënë 37 %, nga të cilat aplikime kombëtare nga aplikantë të huaj zënë rreth 13.6% dhe aplikimet me aplikant vendas zënë 23.3%. Pavarësisht se aplikimet ndërkombëtare dominojnë, duke i krahasuar me vite më parë ky trend rezulton në ulje të lehtë 2% vetëm për vitin 2022.
Ndërkohë gjatë vitit që lamë pas, janë depozituar 10 kërkesa nga subjekte shqiptare që kanë kërkuar shtrirje ndërkombëtare të aplikimeve të tyre, nëpërmjet Marrëveshjes së Madridit në të cilën shteti shqiptar është palë. Nga ana tjetër janë lëshuar 2016 certifikata ndëkombëtare për bizneset që kërkojnë shtrirjen e markës përtej kufijve ndërsa çertifikata regjistrimi marke kombëtare janë lëshuar në total 963.
Për bizneset shqiptare të cilat regjistrojnë markën kombëare brenda vendit, numri i aplikimeve arrin në 735 nga 1165 aplikime për 2022. Për ato biznese që përzgjedhin ripërtëritjen e markës shënohet nëj trend pozitive me nëj rritje 9.8 krahasuar me 2021.
Marinela Lina / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.