BSH paralajmëron rritje të metejshme të interesave – Sejko: Kalojmë nga politika lehtësuese në politika shtrënguese!

Në kushtet e një krize që prej muajsh që ka prekur vendin tonë, Banka e Shqipërisë njofton ndryshim të politikave monetare. Guvernatori Gent Sejko paralajmëroi se do të rriten normat e interesit, si një masë për t’i përgjigjur krizës së rritjes së çmimeve.

‘Ekonomia shqiptare rezistoi më mirë 3 mujorin e parë e cila tregoi një rritje. Parashikimi  është që të vazhdojmë të kemi një rritje ekonomike. Ekonomia jonë nuk do të bjerë në recesion. Por ne duhet të ndryshojmë kahun e politikës monetare për tu përgjigjur krizës nga një politikë monetare lehtësuese në atë shtrënguese, do rrisim normat e interest,’ tha ai.

Pasiguria e ofertës është një ndër problematikat kryesore sipas ministres se Financave, Delina Ibrahimaj në krizën e vendit tonë. ‘Krizë komplekse kemi dhe pasiguri për ofertën që ndikon në pritjet inflacioniste jo vetëm të konsumatorëve port ë gjithë bizneseve duke bërë që cmimet të rriten më shumë, u shpreh Ibrahimaj.

Sipas ekspertit të ekonomisë Adrian Civicit, ‘Të gjitha krizat kanë ndjekur të njëjtën linjë por ndikimi i tyre është i jashtëzakonshëm. Ajo që ka dalë pas krizës është një realitet i ri ekonomik, social e financiar. Një krizë nuk lë asgjë sic ka qenë më parë”.

Deklaratat e Guvernatorit dhe ministres së Financave u mbajtën gjatë promovimit të librit “kriza e tretë” e profesorëve Anastas Angjeli dhe Adrian Civici, në serinë prej tre vëllimesh, i cili i dedikohet ndjekjes së problematikës së kësaj  krize të tretë që vendi po përballet. Në libër u jepen përgjigje pikëpyetjeve për këto shqetësime globale.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.