Bursat e nisin javën në rënie – Investitorët presin fitimet e korporatave dhe takimin e BQE

Bursat europiane po qëndrojnë në rënie të lehtë në sesionin e sotëm, ndërsa investitorët po monitorojnë paqartësitë ekonomike dhe tensionet gjeopolitike. Gjithashtu, tregjet po presin fitimet tremujore të korporatave dhe vendimet mbi normat e interesit të Bankës Qendrore Europiane. Indeksi pan-Europian Stoxx 600 po qëndron në rënie me 0.6%, ndërsa sektori monerar kryeson humbjet, në rënie me 1.6%.

Edhe shumica e tregjeve në rajonin e Azi-Paqësorit patën një tendencë në rënie në sesionin e parë të javës. Gjatë ditës së sotme do të publikojnë fitimet e tyre tremujore kompani gjigante, si Alphabet, Amazon, Meta dhe Microsoft. Ndërkohë, një zëdhënës i Forcave të Mbrojtjes së Izraelit deklaroi për mediat se lufta përfundon vetëm nëse dorëzohen të gjithë anëtarët të Hamasit.

“Qëllimi ynë është çmontojmë plotësisht Hamasin nga aftësitë e tij ushtarake. Nëse kjo mund të bëhet më pak dëme në terren, do të ishte mirë,” deklaroi Jonathan Conricus. Investitorët po presin edhe takimin periodik të Bankës Qendrore Europiane, që zhvillohet të enjten. Analistët parashikojnë se BQE do t’a mbajë të pandyshuar normën bazë të interesit, në nivelin aktual prej 4.5%.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.