Buxheti arkëton mbi 630 milionë USD shtesë. 11-mujori/ Mete: Ekonomia vazhdon të performojë pozitivisht

Për të disatin muaj radhazi, të ardhurat në buxhetin e shtetit po njohin trend rritës. Referuar treguesve kryesorë të Ministrisë së Financave, të publikuara nga Ministri Ervin Mete,  të ardhurat totale për 11– mujorin e vitit 2023 u realizuan në masën 586.38 miliardë lekë ose 99.4% e planit të së njëjtës periudhë.

Krahasuar me një vit më parë të ardhurat janë rritur me +63.48 miliardë lekë ose +12.1% më shumë.

Kjo perfomancë vjen si rrjedhojë e rritjes së të ardhurave nga tatimi mbi fitimi, të të ardhurave personale si dhe të sigurimeve shoqërore, për shkak të rritjes së pagës minimale në shkallë vendi dhe reformës së pagave të ndërmarrë nga qeveria. Ndërkohë që sezoni turistik ka pasur kontribut të shtuar përgjatë këtij viti.

Elisabeta Dosku/SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.