Caktohen çmimet për bizneset e liberalizuar – Fatura për majin/Ulje e lehtë për klientët e çdo tensioni, ERE “tërheqje veshi” ndaj OSHEE-së

Enti Rregullator i Energjisë ka miratuar çmimet, me të cilat do të faturohen në muajin maj bizneset që kanë dalë në treg të lirë energjie, por që gjithsesi furnizohen nga OSHEE, që luan rolin e Furnizuesit të Mundësisë së Fundit.

Sipas vendimit, biznese që janë të lidhur në tensionin 20, 10 dhe 6 KV energjinë e muajit maj do e paguajnë me 18.26 lekë/kwh, me një rënie të lehtë në raport me 4 muaj e parë të vitit.

Ndërkohë që, klientët e lidhur në tensionin 35 KV, do të faturohen me 32.14 lekë/ kwh, duke pësuar një rënie tejet të lehtë në raport me muajin prill, ku paguan 32.72 lekë/kwh.

Ndërkaq, gjatë mbledhje, ERE kërkoi që OSHEE të mos parashikojë kostot administrative dhe të disbalancave, te çmimi i energjisë.

Për klientët e lidhur në tensionin 35 KV energjia sigurohet nga importi, çka bën që kjo kategori klientësh të faturohet shumë shtrenjtë. Ndërkohë që, për kategorinë e bizneseve, që dolën në tregun e liberalizuar në muajin janar të këtij viti, Furnizuesi i Shërbimit Universal e siguron energjinë nga KESH, me një çmim fiks prej 12 lekë/kwh.

Ola Mitre / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.