Chat GPT, mbi 200 mln përdorues në javë – Numri është dyfishuar në krahasim me nëntorin e 2023

Kristi Ceta/ SCAN

Kompania OpenAI njoftoi se chatbot-i i saj ChatGPT tani ka 200 milionë përdorues aktivë javorë, që është dy herë më shumë në krahasim me nëntorin e vitit të kaluar.

Numri i përdoruesve nuk është rritja e vetme e madhe që OpenAI ka regjistruar vitin e kaluar. CEO Sam Altman u tha punonjësve këtë verë se të ardhurat vjetore të pritshme ishin 3.4 miliardë dollarë, ndërsa në fund të 2023 ishin 1.6 miliard dollarë.

OpenAI gjithashtu tha se 92% e kompanive në listën Fortune 500 po përdorin produktet e saj.

Apple, Nvidia dhe Microsoft janë në bisedime për të investuar në OpenAI dhe i vetmi detaj i njohur për këtë investim është se do të rrisë vlerën e OpenAI në më shumë se 100 miliardë dollarë.

Microsoft ka investuar 13 miliardë dollarë në kompani që nga viti 2019, ndërsa Apple ka zbuluar se ChatGPT do të përbëjë një pjesë të madhe të inovacioneve që lidhen me Apple Intelligence.

Microsoft dhe Apple hoqën dorë nga vendet e tyre në bordin e OpenAI këtë verë pasi Komisioni Evropian ngriti shqetësime për një monopol të lidhur me marrëdhëniet e ngushta të kompanive.

Instituti Amerikan për Sigurinë e Inteligjencës Artificiale gjithashtu njoftoi se OpenAI dhe Anthropic kanë rënë dakord të lejojnë që qeveria të vlerësojë modelet e rëndësishme të IA para se ato të dalin për publikun.

 

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.