Cilat janë 8 “ngërçet” që hasin bizneset e huaja në Shqipëri? – Nga niveli i korrupsionit tek monopolet dhe konkurrenca e pandershme
Investitorët e huaj përballen me një sërë problematikash në vendin tonë, të cilët i bëjnë të stepen për të zgjeruar aktivitetin e tyre dhe pse jo edhe tërhiqen nga Shqipëria. Në pyetësorin mbi Klimën e Biznesit në vend 2021-2022, 8 janë shqetësimet kryesore të ngritur nga invistitorët.
Sistemi gjyqsor dhe impakti tek bizneset, renditet në vendin e parë me pikët më të ulëta, i ndjekur nga niveli i transparencës në procedurat qeveritare; niveli i korrupsionit me të cilin përballen bizneset, niveli i burokracive, monopolizimi dhe konkurrenca e pandershme; informaliteti; ndërsa klima politike dhe rregulli e siguria mbyll listën e problematikave, e rankuar me 61 pikë nga 100. Krahasimi në raport është bërë me vitin 2019.
Po ashtu, sipas raportit, progresi në investime dhe aksesi në investime rezulton të jetë nën pritshmëritë e investitorëve. Bizneset e huaja që operojnë në vendin tonë ngrenë gjtihashtu si shqetësim mungesën e fuqisë punëtore të kualifikuar dhe nivelin e kualifikimit të nxënësve që dalin nga bankat e shkollës. Ndërkohë që masat e marra në ndihmë të biznesit gjatë pandemisë vlerësohen me 43 pikë nga 100 në total, duke shprehur pakënaqësi lidhur me suportin e dhënë nga qeveria në këtë drejtim. Me 48 pikë vlerësohet aktiviteti i bizneseve gjatë pandemisë, dhe me 58 pikë perormanca postpandemike e sipërmarrjeve.
Elisabeta Dosku / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.