Cineworld, pranë falimentimit – Në SHBA, borxhi llogaritej 8,9 miliardë dollarë në fund të vitit 2021

Cineworld, operatori i dytë më i madh i kinemasë në botë, pritet të shpallë falimentimin, ndërsa përpiqet të ulë borxhet që u rritën gjatë pandemisë. Pronari i kinemave Regal në Shtetet e Bashkuara, që kishte 8.9 miliardë dollarë borxh neto në fund të vitit 2021, deklaroi se mungesa e filmave të suksesshëm po i mbante larg shikuesit dhe po ndikonte në të ardhurat.

Kompania me bazë në Mbretërinë e Bashkuar, kishte një vlerë tregu prej vetëm 66 milionë dollarë në mbylljen e bursave të premten. Kompania deklaroi se po mendonte mënyra për të ristrukturuar potencialisht bilancin e saj dhe tha të hënën se një opsion ishte një paraqitje vullnetare e falimentimit sipas Kapitullit 11 në Shtetet e Bashkuara.

Aksionet e Cineworld të listuar në bursën e Londrës ranë në një rekord të ulët të premten pasi Wall Street Journal raportoi për herë të parë lëvizjen e mundshme.

Kompania tha se ishte në bisedime me shumë nga aktorët kryesorë të saj, duke përfshirë huadhënësit dhe këshilltarët ligjorë dhe financiarë dhe përsëriti se çdo transaksion i zhvlerësimit do të çonte në zvogëlim shumë të rëndësishëm të interesave ekzistuese të kapitalit.

SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.