Çmimet e naftës u rritën rreth 1.5% – Tregu, në pritje të vendimin të BE për naftën ruse!
Çmimet e naftës u rritën me rreth 1.5% të premten, por janë drejtuar drejt humbjes së tyre të parë javore në tre javë pasi shqetësimet për inflacionin dhe bllokimet COVID-19 në Kinë, që ngadalësuan rritjen globale, kompensuan shqetësimet për pakësimin e furnizimeve me karburant nga Rusia.
Kontratat e së ardhmes së naftës së papërpunuar Brent të Londrës u rritën me 1,68 dollarë, ose 1,6%, në 109,13 dollarë për fuçi, ndërsa çmimet e naftës së papërpunuar të Teksasit Perëndimor u rritën me 1,40 dollarë, në 107,53 dollarë për fuçi. Megjithatë, të dyja kontratat pritet të regjistrojnë rënie për javën, me Brent në gati 3% dhe nafta amerikane me 2%.
Tregu është në pritje për vendimin e Bashkimit Europian për naftën ruse dhe shqetësimet për rënien e kërkesës globale. Inflacioni dhe rritja agresive e normës së interesit e kanë çuar dollarin amerikan në nivelet më të larta të 20 viteve, çka kufizoi fitimet e çmimit të naftës pasi një dollar më i fortë e bën naftën më të shtrenjtë kur blihet në monedha të tjera. Megjithatë, analistët vazhdojnë të përqendrohen në perspektivën e një ndalimi të BE-së për naftën ruse.
Një raport i Agjencisë Ndërkombëtare të Energjisë nënvizoi faktorët që po ndikojnë në treg, duke thënë se rritja e prodhimit të naftës në Lindjen e Mesme dhe Shtetet e Bashkuara dhe një ngadalësim i rritjes së kërkesës “pritet të shmangë një deficit akut të furnizimit në mes të një përkeqësimi të ndërprerjes së furnizimit rus”.
SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.