Dollari, niveli më i lartë në 20 vite – Interesat e bonove të thesarit në SHBA dhe karantina në Kinë kanë rritur sigurinë

Dollari ka arritur në nivelet më të larta të dy dekadave të fundit, pas kombinimit të yieldeve në rritje të thesarit të Shteteve të Bashkuara dhe karantina në Kinë rriti sigurinë e monedhës së gjelbër.

Krahasuar me një shportë monedhash kryesore Dollari amerikan arriti në 104.19 për herë të parë që nga Korrik2002, duke zgjeruar rritjen me 9% këtë vit. Rritja e dollarit u ndihmua nga një vërshim i lartë i fitimeve nga investimet e thesarit të Shteteve të Bashkuara.

Të hënën, interesat e borxhit bazë dhjetëvjeçar arritën në 3.18% për herë të parë që nga nëntori 2018. Ato janë dyfishuar gjatë dy muajve të fundit.

Pavarësisht se kulmi i normave të interesit të Shteteve të Bashkuara, në ciklin aktual të rritjes shihet në rreth 3.5% në mesin e vitit 2023, shpejtësia e ciklit të rritjes së normës së Rezervës Federale është shumë më e madhe se sa homologët e saj në Bankën e Anglisë dhe Bankën Qendrore Evropiane.

Në zonën e Euros kjo është e dukshme, pasi komentet e fundit të ashpra nga politikëbërësit kanë nxitur investitorët të fillojnë të rivlerësojnë pritshmëritë e normës, edhe pse rritjet e parashikuara të normës në Europë do t’i lënë Shtetet e Bashkuara me një diferencë të madhe.

Tregjet e parasë presin që Shtetet e Bashkuara të rrisin normat e interesit me 200 pikë bazë gjatë pjesës së mbetur të vitit, duke i çuar normat bazë në gati 3%, ndërsa një rritje e parashikuar prej 92 pikë bazë nga Banka Qendrore Europiane  thjesht do ta çojë normën e saj bazë të depozitave në terren pozitiv.

Rezerva Federale rriti normën bazë me 50 pikë javën e kaluar dhe të dhënat e vendeve të punës kanë përforcuar shanset për rritje të mëtejshme të mëdha, me shifrat e inflacionit që priten të mërkurën.

Dollari australian i ndjeshëm ndaj rritjes së Dollarit Amerikan ra me 1% në 0,69 dollarë, më i ulëti që nga Shkurti. Kriptomonedhat janë goditur nga aktivet e rrezikshme dhe bitcoin shënoi humbje në fundjavë, afër niveleve më të ulëta të vitit në 33,500 dollarë, ndërsa eteri ra me 4% të dielën në 2,440 dollarë.

Blerta Lata / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.