Dy pensione për çdo emigrant shqiptar në Itali – Detajet e marrëveshjes/ Secili shtet do të paguajë në bazë të kontributeve të derdhura

Afro 330 mijë qytetarëve shqiptarë që jetojnë dhe punojnë në Itali do tu “rikthehen” vitet e punës të lëna në Shqipëri, të cilat deri më tani konsideroheshin si vite të djegura. E thënë ndryshe, periudha e punës në vendin e orgjinës e shoqëruar me kontibutet përkatesë të derdhura në varësi të pagës, do ti bashkohet periudhës kontributive në Itali me qëllim realizimin e kushteve ligjore për të dalë në pension. Në total numri i përfituesve është 550 mijë, pasi 220 mijë emigrantë aktiualisht janë fëmijë dhe studentë.

SCAN bën me dije detajet e marrëveshjes së nënshkruar midis Shqipërisë dhe Italisë për njohjen e pensioneve, ku përfitues do të jenë edhe ata qytetarë që në të ardhmen, vendosin të lënë vendin tonë për të emigruar në shtetin fqinj, ndërkohë që i njëjti trajtim jepet edhe për qytetarët italianë që punonjë dhe jetojnë në vendin tonë.

Pra marrëveshja mbulon të gjithë kategoritë e të punësuarve dhe vetëpunësuarve dhe siç shtrihet në kohë kontribuimi, ashtu do të shtrihet edhe përfitimi , çka do të thotë që do të përfitojë edhe një emigrant që sot është 20 vjeç dhe punon në Itali, sikurse do të përfitojë edhe një individ që aktualisht është 64 vjeç dhe del në pension më mbushjen e moshës.

Masa e pensionit që jepet, është në bazë të kontributeve reale të derdhura në secilin shtet.  Pra nëse marrim si shembull një qytetar shqiptar që ka punuar 12 vjet në Shqipëri dhe 15 vjet në Itali, ai nuk ka të drejtë për pension as në Shqipëri dhe as në Itali. Sepse periudha minimale për të dalë në pension në vendin tonë është 15 vjet dhe në shtetin fqinj 20 vjet.  Bashkimi i këtyre periudhave përmes marrëveshjes,  i jep mundëisne këtij individi që të plotësoje kriteret për të përfituar pension në të dyja vendet.

Ndërsa pensioni do të llogaritet në bazë vetëm të viteve për të cilat ka paguar kontribute në Shqipëi, pra në rastin konkret 12 vite,  dhe po ashtu do të llogaritet edhe në Itali për 15 vite.  Secili shtet do të marrë përsipër pagesën e pensioneve për periudhat respektive të paguara nga individi.  Nga kjo marrëveshje nuk përfitojnë emigrantët që kanë punuar në mënyrë infomale dhe nuk kanë kontribuuar në shtetin fqinj.

Elisabeta Dosku / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.