Ekonomia botërore i mbijetoi krizave të njëpasnjëshme – Kërkesa e fortë për mallra krijon perspektiva për një rritje të butë

Në tre vitet e fundit, ekonomia botërore është përballur jashtëzakonisht mirë me tre goditje dramatike. Si fillim, tani që Kina ka arritur të fitojë imunitet, pandemia nuk duket më pengesë për ecurinë e ekonomisë globale. Së dyti, përpjekja e Putinit për të shantazhuar Europën që të “harronte” Ukrainën, dështoi. Pavarësisht nga një rënie e mprehtë në importet e energjisë nga Rusia, Europa e përballoi në mënyrë efektive këtë dimër. Së fundi, megjithëse inflacioni mbetet i lartë në të dy anët e Atlantikut, ai ka filluar të lehtësohet në një masë të madhe. Pjesërisht për shkak se goditjet goditën vende të ndryshme në shkallë të ndryshme, politika monetare u bë krejtësisht e ndryshme. Për shembull, në fillim të pandemisë, SHBA miratoi një politikë monetare shumë më ekspansioniste sesa Europa. Megjithëse vendet kryesore ndikojnë njëra-tjetrën, perspektiva për performancën ekonomike ndryshon nga vendi në vend.

Kushtet ekonomike e kanë mbajtur deri tani ekonominë amerikane elastike. Punësimi po mbështet shpenzimet konsumatore, por ekonomia po humbet fuqinë për shkak të politikës monetare shtrënguese të Fed. Bankat, nga ana e tyre, po shtrëngojnë kushtet e kreditimit në vazhdën e trazirave bankare dhe në pritje të rregulloreve më të ashpra. Kjo çon në një recesion të lehtë, megjithëse një rritje e konsumit dhe një stabilizim i çmimeve të pasurive të paluajtshme mund të kompensojë rënien në mjedisin e biznesit dhe të parandalojë rënien e PBB-së reale.

Në Kinë, kërkesa e ulët e konsumatorit dhe rritja e eksporteve kanë nxitur rritjen në periudhën pas pandemisë. Megjithatë, kjo nuk do të zgjasë. Ekseset e regjistruara në industrinë e pasurive të paluajtshme kanë ende një rrugë për të bërë para se të shpërndahen, duke rënduar kështu konsumatorët. Kushtet e pafavorshme demografike dhe qasja strikte e qeverisë ndaj ekonomisë pengojnë perspektivat e rritjes. Me fjalë të tjera, pritet një rënie të ndjeshme të dinamikës së ekonomisë kineze nga viti i ardhshëm. Pas një dimri ku ngeci stagflacioni, kërkesa e fortë për shërbime ka të ngjarë të lejojë ekonomitë të rriten në mënyrë modeste në tremujorët e ardhshëm, pavarësisht një recesioni të vogël në SHBA dhe kushteve më të shtrënguara të kreditimit.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.