Ekspozita e dritareve të dyqaneve në New York – Zbukurime të detajuara dhe shumë drita për festat

Dyqanet e New York-ut po hyjnë në atmosferën e festave me dekorime të detajuara të dritareve për të tërhequr dhe kënaqur vizitorët. Pronarët dhe menaxherët e bizneseve shprehen se profesionalisht, njihen si tregtarë vizualë, por preferojnë ta mendojnë veten si ‘njerëz të shfaqjeve’.

Për 150 vjet, dyqani luksoz Bergdorf Goodman, ka krijuar dritare të festive në mënyrë mjeshtërore. Këtë vit, një ekip prej 100 personash punoi për 12 muaj për të krijuar temën “A nuk është e shkëlqyer?”. Sipas tyre kjo hap shumë mundësi vizualisht. Mund të ketë drita të ndritshme, dekorime të ndritshme, materiale të ndritshme, ide të ndritshme, horizonte të ndritshme, sepse dritaret supozohet të jenë vërtet shumë emocionuese.

Çdo vit, dyqani synon të befasojë vizitorët dhe të përhapë një delir festash. Dritaret dikur ishin kryesisht për këmbësorët. Në ditët e sotme dritaret janë fotografuar dhe shihen në internet në të gjithë botën.

Saks dhe Dior u bashkuan për një ekspozitë luksoze të titulluar ‘Karuseli i ëndrrave të Dior në Saks’. Aktorja dhe ambasadorja e markës Jennifer Lawrence ndihmoi në zbulimin e dritareve me kërcimtarë, një shfaqje me drita dhe fishekzjarre. Dritaret shfaqin skena historike nga Nju Jorku dhe Parisi.

Bloomingdale’s po feston publikimin e filmit “Wonka” me një ekran që përmban një shatërvan çokollate dhe lëvizje trapezi për vitin e tij të 92-të. Dhe Macy’s vazhdoi me dritaret e saj interaktive, duke i ftuar vizitorët të këndojnë dhe të bëjnë fotografi në dritare të ndryshme. Tema e dyqanit këtë vit është “Dhuro dashuri” me drerin Tiptoe që mbetet personazhi kryesor.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.