Emigracioni në BE është ‘thyer’ – A mundet Brukseli të jetë në gjendje ta rregullojë këtë?!

Brukseli dëshiron të krijojë më shumë rrugë legale për emigrantët e aftë që të lëvizin në Bashkimin Europian në mënyrë që të frenojë emigracionin e paligjshëm, por ekspertët janë skeptikë nëse kjo do mund të shkojë mjaftueshëm larg.

Nga dy deri në tre milionë shtetas të vendeve të treta (TCN) vendosen çdo vit në BE për të punuar ose studiuar, ndërsa deri në 200,000 njerëz mbërrijnë në bllokun 27-vendesh ilegalisht, sipas Komisionit.

Megjithatë, Europa lufton me mungesa të rënda të fuqisë punëtore, të cilat janë rritur gjatë dekadave të fundit dhe pritet të përkeqësohen më tej, ndërsa popullsia vazhdon të jetë më e vjetër dhe ndërsa blloku kërkon të transformojë ekonominë e tij për t’u bërë më e gjelbër dhe më dixhitale.

Sipas një vlerësimi të porositur nga Parlamenti Europian dhe i publikuar në shtator 2021, “mungesa e fuqisë punëtore vihet re për punë me aftësi të larta dhe me aftësi të ulëta”.

Kjo është pjesërisht sepse shumica e lejeve të vlefshme të lëshuara janë bërë për bashkim familjar me më pak se një në pesë leje qëndrimi të lëshuara për arsye pune.

Për më tepër, vetëm 1.6% e lejeve të qëndrimit për herë të parë të lëshuara në 2019 për shtetasit e vendeve të treta ishin nën Direktivën e Kartës Blu – një skemë mbarë BE-së për të tërhequr punëtorë të kualifikuar.

Sipas një konsultimi publik të vitit 2020, sektorët që parashikohen të kenë vështirësi më të madhe në të ardhmen përfshijnë kujdesin shëndetësor, bujqësinë, pylltarinë dhe peshkimin, si dhe teknologjinë e informacionit dhe komunikimit. AP

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.