Energjia bërthamore, sërish në qendër të vëmendjes – Përpjekjet për ringritjen e kësaj industrie në Europë dhe SHBA

Koha e keqe e një krize të dyfishtë, klima dhe energjia, kanë vepruar si embrioni i zhvillimit, duke i detyruar europianët dhe amerikanët të harrojnë katastrofën në Fukushima dhe të rishikojnë energjinë bërthamore.

Gjermania, e cila reagoi menjëherë ndaj tragjedisë së Fukushimës duke mbyllur gjashtë prej reaktorëve të saj, po udhëheq frontin anti-bërthamor. Në fund të fundit ka kaluar një vit dhe vendi ka mbyllur tre të fundit.

Përkrahësit e energjisë bërthamore këmbëngulin se objektivi i vendosur nga BE për të reduktuar emetimet me 55% deri në vitin 2030 duket i pakapshëm pa ndihmën e energjisë bërthamore. Janë ata që rreth një vit më parë, në prill të vitit të kaluar, në samitin e G7, krijuan të ashtuquajturën “aleancë bërthamore”. Ishte mbledhja e 12 vendeve dhe mes tyre Francës, Britanisë, SHBA-së, Japonisë dhe Kanadasë, të cilat në atë kohë deklaronin se duhet të nxirrnin Putinin nga tregu i karburantit bërthamor. Dhe kjo sepse Europa ishte përballur me një të vërtetë tjetër të hidhur nga të shumtat me të cilat u përball pas pushtimit rus të Ukrainës: Kishte gjetur alternativa ndaj gazit rus, por jo ndaj karburantit bërthamor rus.

Kështu kjo aleancë, me Francën në krye, merr përsipër të promovojë rindërtimin e industrisë bërthamore evropiane. Ndryshe nga Gjermania, Franca mbështetet shumë në energjinë bërthamore, kjo është arsyeja pse ajo ishte kryesisht e padëmtuar kur u ndërprenë rrjedhat e gazit rus në Europë. Gjatë javës, fronti pro bërthamor mblodhi samitin e parë ndërkombëtar për të promovuar energjinë bërthamore dhe u takua në Bruksel me lojtarët e industrisë së energjisë.

Midis tyre janë kreu i Agjencisë Ndërkombëtare të Energjisë, Fatih Birol, presidenti i Agjencisë Ndërkombëtare të Energjisë Atomike, Rafael Grossi, presidentja e Komisionit, Ursula von der Leyen dhe John Podesta, këshilltar i presidentit amerikan për çështjet e energjisë së pastër. Qëllimi i kësaj aleance të larmishme është të sigurojë fondet e nevojshme për të rindërtuar industrinë bërthamore europiane pas vitesh braktisjeje dhe rënieje. Kjo bëhet e qartë nga deklarata e përbashkët, me të cilën vendet angazhohen të bashkëpunojnë dhe të sigurojnë financimin e nevojshëm për të zgjatur jetën e reaktorëve ekzistues bërthamorë dhe ndërtimin e reaktorëve të rinj.

Vendet e ‘aleancës bërthamore’ që nga dhjetori i vitit të kaluar kanë premtuar 4.2 miliardë dollarë për të promovuar rindërtimin e industrisë.. Megjithatë, përpjekjet e tyre deri më tani janë penguar nga mungesa e investimeve në këtë sektor, nga kostot shpesh të tepruara dhe nga vonesat që kanë ndodhur në shumë nga projektet më të fundit.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.