Studentët e huaj zgjedhin Shqipërinë për studime/ Të rinjtë nga Italia, Kosova dhe vendet e rajonit dominojnë regjistrimet
Studimet jashtë vendit u ofrojnë studentëve mundësinë të njihen me sisteme të ndryshme arsimore, të pasurojnë përvojën e tyre akademike dhe kulturore, si dhe të zhvillojnë aftësi profesionale e ndërkulturore që rrisin mundësitë në tregun e punës. Në të njëjtën kohë, prania e studentëve të huaj në Shqipëri, kontribuon në forcimin e bashkëpunimit ndërkombëtar mes universiteteve, nxit shkëmbimin e njohurive dhe rrit diversitetin në institucionet e arsimit të lartë.
Sipas të dhënave të INSTAT, gjatë vitit akademik 2025–2026, studentët e huaj përbënin 2.1% të numrit total të studentëve të regjistruar në arsimin e lartë në Shqipëri. Krahasuar me një vit më parë, pesha e tyre është rritur me 0.3 pikë përqindje, duke treguar një interes në rritje të të huajve për të ndjekur studimet universitare në vend.
Të dhënat tregojnë se pjesa më e madhe e studentëve të huaj, janë të regjistruar në programet Bachelor dhe Master, çka dëshmon se këto dy cikle mbeten më tërheqëset për të rinjtë që zgjedhin Shqipërinë për të studiuar. Numri më i kufizuar i studentëve të huaj në programet profesionale dhe ato të doktoraturës, tregon se kërkesa për këto nivele studimi mbetet më e ulët.
Për tre vitet e fundit akademike, studentët meshkuj të huaj kanë qenë në numër më të lartë se studentet femra. Sipas shpërndarjes sipas shtetësisë, Italia vijon të jetë burimi kryesor i studentëve të huaj në Shqipëri, duke përfaqësuar 45.9% të totalit. Në vendin e dytë renditet Kosova me 11.9%, e ndjekur nga Mali i Zi me 4.6%, Turqia me 4.2% dhe Greqia me 3.8%. Këto të dhëna tregojnë se universitetet shqiptare tërheqin kryesisht studentë nga vendet fqinje dhe rajoni, por edhe nga vende të tjera me lidhje të forta arsimore dhe kulturore me Shqipërinë.
Edhe shpërndarja sipas gjinisë ndryshon në varësi të nivelit të studimit. Studentët meshkuj dominojnë në programet Bachelor dhe në studimet e doktoraturës, ndërsa në programet profesionale dyvjeçare dhe në programet Master vihet re një pjesëmarrje më e lartë e studenteve të huaja. Këto dallime pasqyrojnë prirje të ndryshme në zgjedhjen e programeve të studimit sipas gjinisë dhe nivelit të arsimit të lartë, duke treguar se preferencat akademike ndryshojnë mes studentëve dhe studenteve të huaja.
“Blindohet” Turqia për samitin e NATO-s/ Mijëra forca policie në Ankara, ndalohen protestat e koncertet
Më datat 7 dhe 8 korrik, Ankaraja pret liderët e 32 vendeve të aleancës, mes tyre edhe presidentin amerikan Donald Trump. Autoritetet kanë vendosur masa të......
Bizneset marrin më shumë kredi për prona/ Huatë për pasuri të paluajtshme dhe overdraft-et zënë peshën kryesore
Bizneset shqiptare vijuan të rrisin huamarrjen në muajin maj, me fokus kryesisht te pasuritë e paluajtshme dhe financimi afatshkurtër. Sipas të dhënave të......
Kursi i këmbimit/ Çfarë ka ndodhur sot në tregun valutor?
Dollari amerikan ka pësuar një rënie të lehtë të vlerës këtë të enjte në raport me një ditë më parë pasi është blerë mëngjesin e sotëm me 81.8 lekë dhe është......
Milot-Balldren: Kosto e lartë apo perceptim i gabuar
Milot-Balldren: Kosto e lartë apo perceptim i gabuar Nga Fatos Çoçoli Sa herë njoftohet një projekt i ri infrastrukturor diskutimi i parë publik që lind......
Ari realizon tremujorin më të keq në 13 vjet - Analistët parashikojnë tendencë në rritje në gjysmën e dytë të vitit
Çmimet e arit po vijojnë tendencën negative, ndërsa metali i çmuar mbylli tremujorin më të keq në 13 vjet, gjatë tremujorit të dytë. Në 29 janar të këtij......
“Synojmë që pensioni mesatar të arrijë 400 euro në vitin 2029’’ - Rama e Ibrahimaj: Rritja ekonomike, më shumë të ardhura për të moshuarit
Kryeministri Edi Rama dhe ministrja e Ekonomisë dhe Inovacionit Delina Ibrahimaj, prezantuan masat e reja të qeverisë për rritjen e të ardhurave të......
I nxehti ekstrem i kushton miliarda euro Evropës - Raporti/ Deri në vitin 2030 ulet prodhimi dhe produktiviteti i punës
Vala e të nxehtit që ka goditur Evropën, nuk është më vetëm një problem klimatik, por po shndërrohet në një kërcënim serioz ekonomik. Sipas analizave të......
Bonusi i verës ka nisur të shpërndahet, Ibrahimaj: Mbi 33 mijë e tërhoqën që ditën e parë
Më shumë se 33 mijë pensionistë e kanë tërhequr bonusin e verës që ditën e parë të shpërndarjes. Shifrën e ka publikuar në rrjetet e saj sociale ministrja e......
