Europa, rezerva rekord gazi këtë dimër – Por, konsumatorët ende përballen me fatura të larta për ngrohjen

Një mungesë e frikshme e gazit për dimrin në Europë nuk është konkretizuar ende për të dytin vit radhazi – por konsumatorët do të përballen me fatura shumë më të larta në krahasim me një vit më parë.

Një situatë krize u shmang dimrin e kaluar, pas një përleshjeje për të gjetur furnizues të rinj, për të rihapur objektet e vjetra të magazinimit dhe për të ndërmarrë iniciativa për të reduktuar konsumin në disa zona me intensitet energjie, pasi flukset nga Rusia u shteruan në vazhdën e pushtimit të saj në shkallë të plotë të Ukrainës në shkurt 2022.

Sipas hulumtimit të publikuar nga Moody’s këtë muaj, BE-ja kishte rezerva të larta rekord gazi prej rreth 97.5% në fund të nëntorit 2023, që do të thotë një rrezik shumë të ulët i mungesës së energjisë këtë dimër dhe një pozicion të fortë për sezonin e ardhshëm të ftohtë.

Rezervat e përmirësuara energjetike të Europës këtë dimër janë rezultat i efektivitetit të veprimeve të qeverisë në anën e ofertës dhe kërkesës, dhe kursimeve të vazhdueshme të energjisë nga familjet dhe kompanitë, sipas raportit të Moody’s, duke cituar furnizime më të mëdha të gazit natyror të lëngshëm në vitin 2023, një disponueshmëri më e lartë e centraleve bërthamore dhe hidrocentrale dhe një dimër i butë si përmirësim i situatës.

Konsumi më i ulët është ndihmuar gjithashtu nga frenimi i ekonomisë në kontinent, thuhet në raport. Moody’s pret që depozitimi i gazit të jetë më i lartë se sa ishte parashikuar më parë në 55% në fund të marsit 2024.

Energjia ka qenë një nga elementetet më të forta në uljen e inflacionit në muajt e fundit, pasi ishte shtytësi kryesor në rritjen e çmimeve të konsumit që pësoi menjëherë pas pushtimit rus të Ukrainës. Inflacioni total vjetor ishte 2.4% në nëntor në eurozonë, me energjinë që shfaq disinflacion prej 11.5% nga viti në vit, edhe pse shkalla e rritjes së çmimeve thjesht u moderua në të gjithë sektorët e tjerë.

Në Mbretërinë e Bashkuar, inflacioni i çmimit të gazit është ulur me 31% në vitin deri në nëntor, treguan shifrat nga Zyra për Statistikat Kombëtare. Moody’s zbuloi se çmimet europiane të gazit janë shumë mbi mesataren e tyre 2015 – 2019 — dhe i sheh ato të mbeten mbi këtë nivel të paktën deri në vitin 2031. Në 2020-ën dhe 2021-shin, çmimet ishin nën mesataren.

Dorina Kurtaj /SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.