Fëmijët dhe familjet e varfëra në Europë – Ndihma e diferencuar e qeverive të ndryshme
Çdo vend ka rregullat e tij. Në Bashkimin Europian familjet mbështeten nga qeveritë në mënyra të ndryshme: me lehtësime të ndryshme taksash, pagesa të njëhershme, asistencë mujore. Por kjo nuk mjafton as në vendet më të pasura si Gjermania, ku një në pesë fëmijë jeton në varfëri. Nga këtu krijohet domosdoshmëria për të ndërhyrë, për të shtuar mbrojtjen dhe për të luftuar përjashtimin social: ekzekutivi gjerman dëshiron të reformojë masat e mbështetjes shtetërore.
Organizatat në mbrojtje të fëmijëve shprehen se nëse kufizohemi duke parë normat e varfërisë ose rrezikun e varfërisë, duhet thënë se Gjermania është në mes të renditjes në Europë. Për një vend me ekonomi të fortë, është një shenjë e varfërisë morale. Dhe sistemi i ri duket se nuk i ndryshon përfitimet minimale: pavarësisht nga të ardhurat, familjet në Berlin dhe përreth marrin 250 euro në muaj për çdo fëmijë.
Në Francë, bonusi përfitohet vetëm nga fëmija i dytë dhe shuma varet nga të ardhurat, ndërsa situata financiare është vendimtare edhe në Spanjë, Portugali dhe Itali. Në shumicën e vendeve europiane, familjet me disa fëmijë marrin kontribute shtesë, të cilat ndryshojnë edhe sipas moshës së anëtarëve të familjes. Megjithatë, shtetet anëtare të bashkimit europian synojnë të nxjerrin të paktën pesë milionë fëmijë nga varfëria deri në vitin 2030.
Dorina Kurtaj / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.