Fermerët belgë në vështirësi ndërsa thatësira dhe kostot në rritje godasin!

Fermerët dhe mbarështuesit belgë po goditen si nga rritja e kostove ashtu edhe nga thatësira, pasi po ndihet ndjeshëm ndikimi i luftës në Ukrainë dhe moti më i thatë. Pranvera 2022 ka qenë tashmë një sezon shumë i thatë për prodhuesit në Belgjikë. Kësaj situate i shtohen presionet inflacioniste që ndihen në mbarë botën dhe përzierja është e paqëndrueshme.

Sipas fermerëve vendas mungesa e reshjeve dhe era verilindore që ka fryrë vazhdimisht javët e fundit ka filluar t’i kushtojë shumë.

Në tokë të thatë, plehrat nuk depërtojnë thellë. Pa këtë dhe ujë, rendimentet e të korrave ka të ngjarë të jenë më të ulëta. Thatësira është një goditje e dyfishtë sepse pa prodhimin e foragjereve, ai dhe fermerët e tjerë ka të ngjarë të hasin vështirësi në ushqimin e bagëtive të tyre.

Aktualisht fermerët po përdorim disa nga rezervat e tyre të cilat do të jenë më të vogla kur ata të kenë realisht nevojë për të ushqyer kafshët në dimër.

José Renard, sekretari i përgjithshëm i Federatës Valone të Bujqësisë, tha se është ende herët për të folur për një katastrofë, por situata aktuale me luftën në Ukrainë po i vendos kosto shtesë sektorit.

“Plehrat janë jashtëzakonisht të shtrenjta dhe në kohë thatësire, janë më pak efektive,” tha Renard. “Ndërsa ne do të donim të kishim një periudhë kur ky efikasitet të rritet, është e kundërta për shkak të thatësirës. Nëse nesër duhet të përdorim ushqimin për bagëtinë, mund të jetë edhe jashtëzakonisht i shtrenjtë.”

Belgjika nuk është i vetmi vend në Europë i prekur nga thatësira. Franca, për shembull, pritet të ketë majin më të nxehtë në histori, duke treguar për një verë të thatë.

Edel Strazimiri / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.