Fermerët “indiferentë” ndaj pensionit – Hado: Ndërgjegjësimi i ulët, nxitje që të futen në skemën e sigurimeve
Ndërgjegjësimi i të vetëpunësuarve në bujqësi për të derdhur kontributet e sigurimeve shoqërore dhe shëndetësre në mënyrë që të përfitojnë pension, por jo vetëm, është shumë i ulët.
Në një interviste për SCAN TV, Drejtori i Institutit të Sigurimeve Shoqërore, Astrit Hado shpjegon disa nga arsyet përse ndodh kjo dhe nga ana tjetër thekson se përmes ILO (Organizatës Ndërkombëtare të Punës), punonjësit e sigurimeve shëndetësore po trajnohen me qëllim nxitjen e ndërgjegjësimit të fermerëve për t’u siguruar.
Por cilat janë disa nga format që do të përdoren për të rritur ndërgjegjësimin e individëve të vetëpunësuar në bujqësi?
Të dhënat zyrtare të Institutit të Sigurimeve Shoqërore tregojnë se gjatë vitit 2021, rezultojnë në skemën e kontributeve 58.091 të vetëpunësuar në bujqësi.
Ne total nga të vetëpunësuarit në bujqësi janë mbledhur 2 miliardë dhe 72.8 për qind e kontribuesve janë të shtrirë në zonat fushore ku dhe bujqësia intensive është më e zhvilluar.
Fieri është rajoni me numrin më të lartë të fermerëve të formalizuar.
Elisabeta Dosku / SCAN
Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.