Fluturimet low cost: Wizz Air humbet 23 euro për pasagjer – Kompani ajrore si Ryanair dhe Vueling, regjistrojnë fitime

Kompania ajrore e fluturimeve me kosto të ulët, hungarezja Wizz Air shënon një humbje prej 23 eurosh për pasagjer. Kjo është e dhëna më negative mes kompanive europiane që realizojnë fluturime të lira. Ndërkohë rivalet si Ryanair dhe Vueling shënojnë fitime.

Dëmshpërblimet për fluturimet e anuluara dhe vendimi për të mos blerë karburant muaj më parë kur cmimet ishin më të ulëta, nuk rezultuan në favor të kompanisë ajrore Uizz Air. Në tremujorin e parë pothuajse normal, kompania ajrore ka humbur 23 euro për cdo pasagjer, duke shënuar të dhënat më negative mes kompanive europiane që realizojnë fluturime me kosto të ulët. Nga ana tjetër kanë shënuar fitime kompani ajrore si Ryanair dhe Vueling e cila përfshin dhe British Airuays. Ndërsa mes tyre janë të vendosura easyJet, Transavia dhe Eurouings.

Në tremujorin e dytë të vitit 2022 Ryanair ka transportuar 45.5 milion persona, pak a shumë numri që kanë transportuar së bashku easyJet 22 milion, Uizz Air 12.2 milion dhe Vueling 8.8 milion. Ndërsa në të njëjtin tremujor në vitin 2019 para pandemisë, kompanitë që transportuan më shumë pasagjerë ishin Ryanair, Uizz Air dhe Transavia. Bie në sy të dhënat negative për Eurouings që ka transportuar më pak se mesatarja e klientëve në periudhën prill – qershor të tre viteve më parë.

Por nëse vlerësohet se sa kanë paguar pasagjerët,klasifikimi përmbyset. Në tremujorin e analizuar ata që fluturuan me Transavia kanë shpenzuar 114.5 euro, katër euro më shumë se ata që kanë zgjedhur Eurouings. Në vend të tretë është easyJet, ku një pasagjer ka paguar 94.8 euroPasagjerët e Ryanair kanë paguar 57.2 euro ndërsa ata të Uizz Air 66.4 euro.

Por cmimi i biletave nuk përkthehet automatikisht në fitim. Si pasojë e rritjes së cmimit të karburanteve, shkëmbimi jo i favorshëm euro – dollar dhe anulimet e fluturimeve, vetëm dy kompani ajrore që realizojnë fluturime me kosto të ulët kanë shënuar fitime: Ryanair dhe Vueling.

Uizz Air shënon një humbje prej 451 milion eurosh, pasi borxhi i kompanisë hungareze, që është në dollarë, është rritur me 140 milion kur monedha amerikane u barazua me euron.

“Pesha” e shërbimeve ekstra zbulohet edhe në pasqyrat financiare të kompanive kryesore europiane me kosto të ulët. Në këtë rast, për Uizz Air 51.5% e të ardhurave nga çdo pasagjer rrjedh nga shitja e shërbimeve të tilla si bagazhet e dorës, hipja me përparësi, përzgjedhja e sediljeve, ushqimet në bord. Pjesa tjetër 48.5% është tarifa bazë, pra vetëm fluturimi. Përqindja e shërbimeve shtesë – duke parë pasqyrat financiare të kompanive– bie në 39.4% për Ryanair dhe 34.4% për easyJet.

Dorina Kurtaj / SCAN

Material i përgatitur nga portali SCAN TV.
Ripublikimi mund të bëhet vetëm kundrejt citimit të autorësisë dhe burimit origjinal.